ក្រសួងអប់រំ យុវជននិងកីឡា បានប្រកាសលទ្ធផលប្រឡងសញ្ញាបត្រមធ្យមសិក្សទុតិយភូមិ (បាក់ឌុប) កាលពីថ្ងៃទី០៩ ខែកញ្ញា សម្រាប់មណ្ឌលប្រឡងរាជធានីភ្នំពេញ និងខេត្តកណ្តាល សម្រាប់មណ្ឌលខេត្តដទៃទៀត ប្រកាសពីព្រឹកមិញនេះ។
អ្វីដែលល្បីល្បាញសម្រាប់លទ្ធផលសញ្ញាបត្រមធ្យមសិក្សទុតិយភូមិគឺ យុវសិស្ស ឆាយ លីអាន ម្ចាស់មេដាយមាស គណិតវិទ្យា ២០១៨ តែមុខវិជ្ជាគណិតវិទ្យា ទទួលបាននិទ្ទេស F។ ឆាយ លីអាន ជាសិស្សប្រឡងនៅមណ្ឌល វិទ្យាល័ មកជ កំពតក្រុង ថ្នាក់វិទ្យាសាស្ត្រ ទទួលបាននិទ្ទេស D។
គួររំលឹកថា ប្អូនប្រុស ឆាយ លីអាន គឺជាបេក្ខជនសិស្សពូកែគណិតវិទ្យា ទាំងក្នុងប្រទេស និងឆាកអន្ដរជាតិ និងទទួលបានមេដាស និងមេដាយផ្សេងៗទៀត។ តែគួរឱ្យហួសចិត្តនោះគឹ បែជាលទ្ធផលប្រឡងបាក់ឌុប ទទួលបាននិទ្ទេស F លើមុខវិជ្ជា គណិតវិទ្យា ទៅវិញ ជារឿងដែលនឹកស្មានមិនដល់។ នេះបើយោងតាមការចុះផ្សាយរបស់ហ្វេសប៊ុកឈ្មោះរៀនគណិតវិទ្យាតាមអ៊ីនធើណេត។
ប្អូនប្រុស បានស្នើ និងអំពាវនាវសុំឱ្យមានការសើរើឡើងវិញ នូវកិច្ចការរបស់គាត់ ដែលហាក់មិនសាកសមជាមួយនឹងការខិតខំរបស់ខ្លួនឡើយ ។ MoEYS Cambodia សូមបើកការស៊ើបអង្កេតឡើងវិញ លើមុខវិជ្ជាគណិត!
សូមបញ្ជាក់ថាលទ្ធផលបេក្ខជនសរុបតាមនិទ្ទេស នាសម័យប្រឡង ២០ សីហា ២០១៨គឺ បេក្ខជន និទ្ទេស A ២៩០ នាក់
បេក្ខជន និទ្ទេស B ១ ៥៣២ នាក់
បេក្ខជន និទ្ទេស C ៤ ៦៣១ នាក់
បេក្ខជន និទ្ទេស D ១៣ ៩៩៩ នាក់
បេក្ខជន និទ្ទេស E ៥៤ ៦០៧ នាក់ បេក្ខជនប្រឡងជាប់ទូទាំងប្រទេសមានចំនូន ៧៥ ០៥៩ នាក់ ស្មើ៦៦.២១%។
