អ្នកតំណាងរាស្ត្រ ៣ រូប ព្រមទាំង ឯកឧត្ដម ឯកអគ្គរដ្ឋទូត ជប៉ុនប្រចាំព្រះរាជាណាចក្រកម្ពុជា និងគណៈប្រតិភូសភាជប៉ុន ដឹកនាំដោយ ឯកឧត្ដម Jiro Kawasaki សមាជិកសភា និងជាអតីតរដ្ឋមន្ត្រីក្រសួងសុខាភិបាល ការងារ និងសុខមាលភាព បានជួបពិភាក្សាការងារជាមួយឯកឧត្ដមបណ្ឌិតអ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី២៧ ខែកញ្ញា ឆ្នាំ២០១៨។
ភាគីទាំងពីរ បានពិភាក្សា កិច្ចសហប្រតិបត្តិការលើវិស័យ វិនិយោគ និងការងារ រវាងប្រទេសទាំងពីរ ដែលកំពុងមានភាពល្អប្រសើរ។ ជប៉ុនបានវិនិយោគ លើវិស័យជាច្រើននៅកម្ពុជា ជាទីផ្សារ នាំចេញ ផលិតផលឧស្សាហកម្ម ធំ មួយ និង ជាគោលដៅការងាររបស់ពលរដ្ឋកម្ពុជា។
សភាជប៉ុនបានឯកភាពជួយកម្ពុជា ក្នុងការអនុវត្តគម្រោងលើកទី២ តាមរយៈគម្រោង ILO ស្តីពីការលើកកម្ពស់សុខភាព និងសុវត្ថិភាពការងារ ក្នុងវិស័យសំណង់ ឆ្នាំ២០១៨-២០២០។
ឯកឧត្ដម អ៊ិត សំហេង បានបញ្ជាក់ថាអ្នកវិនិយោគជប៉ុន ដែលបានមកបណ្តាក់ទុននៅកម្ពុជា បានអនុវត្តតាមច្បាប់ និងមានលក្ខខណ្ឌការងារល្អ។
សភាជប៉ុនពន្យល់ថា សម្រាប់ទិសដៅសំខាន់ៗ នៃគម្រោងលើកទី២ គឺប្រើប្រាស់យន្តការក្រុមការងារ ពិគ្រោះយោបល់គម្រោង និងយន្តការដទៃទៀត។ រៀបចំក្របខណ្ឌច្បាប់ និងបទដ្ឋានគតិយុត្ត បន្ថែមទាក់ទងនឹងសុខភាព និងសុវត្ថិភាពការងារ ជាពិសេសវិស័យសំណង់។ ពង្រឹងការចុះធ្វើអធិការកិច្ចការងារ ដើម្បីកែលម្អលក្ខខណ្ឌ ការងារនៅតាមការដ្ឋានសំណង់។ លើកកម្ពស់ការយល់ដឹង របស់កម្មករនិយោជិត និងនិយោជកតាមរយៈការរៀបចំ វគ្គបណ្ដុះបណ្ដាល។
ឆ្លៀតក្នុងឱកាសនេះដែរ ឯកឧត្ដមបណ្ឌិត អ៊ិត សំហេង ស្នើភាគីជប៉ុន ពិចារណាផ្ដល់ឱកាស ការងារពេញលេញជូនពលករ ដោយប្ដូរពីប្រព័ន្ធ បណ្ដុះបណ្ដាល ទៅជាប្រព័ន្ធអនុញ្ញាតធ្វើការងារតែម្ដង។ ភាគី ជប៉ុន នឹងពិចារណា រៀបចំច្បាប់ថ្មីលើវិស័យនេះ។
