បាត់ដំបងៈ នារីវ័យក្មេងម្នាក់ មានរូបសម្ភស្សសមរម្យ ស្អាតបាត ប៉ុន្តែនៅពេលសមត្ថកិច្ចឆែកឆេរ ស្រាប់តែរកឃើញម្សៅក្រាម សង្ស័យសារធាតុញៀនមួយកញ្ចប់ សមត្ថកិច្ចក៏ក្របួច ឃាត់ខ្លួនតែម្តង ដើម្បីកសាងសំណុំរឿងបញ្ជូនទៅសាលាដំបូងចាត់ការតាមនីតិវិធី ។
ការបង្ក្រាបខាងលើនេះបានធ្វើឡើងកាលពីថ្ងៃទី៥ ខែកញ្ញា ឆ្នាំ២០១៨ វេលាម៉ោង១៩៖៣០នាទី ស្ថិតនៅចំណុចក្រុមទី០៩ ភូមិអូរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ។
សមត្ថកិច្ចបានឲ្យដឹងថា ជនសង្ស័យឈ្មោះ ផៃ សុភ័ក្រ្ត ភេទស្រី អាយុ១៧ឆ្នាំ មុខរបរមិនពិតប្រាកដ មកស្នាក់នៅបណ្តោះអាសន្ន ភូមិភ្នំតូច ឃុំពេជ្រចិន្តា និងបានឆែកឆេរ រកឃើញម្សៅក្រាមពណ៌សថ្លា ០១កញ្ចប់ សង្ស័យមានសាធាតុញៀន និងសម្ភារប្រើប្រាស់គ្រឿងញៀនមួយចំនួនទៀត ។
ករណីនេះសមត្ថកិច្ចបានកសាងសំណុំរឿង បញ្ជូនខ្លួនជនសង្ស័យ និងវត្ថុតាង ទៅសាលាដំបូងខេត្តបាត់ដំបង ដើម្បីផ្តន្ទាទោសតាមច្បាប់៕
