Saturday, September 22, 2018

សម្តេចអគ្គមហាពញាចក្រី ហេង សំរិន ចាត់ទុកមរណភាពប្រធានាធិបតីវៀតណាម ជាការបាត់បង់មិត្តដ៏ល្អរបសស់កម្ពុជា

រិទ្ធី

ប្រធានាធិបតី​វៀតណាម លោក ត្រាន ដៃក្វាង (Tran Dai Quang) បានទទួល​មរណភាព ​នៅអាយុ ៦១ឆ្នាំ កាលពីម្សិលមិញ ដោយរងការវាយប្រហារ​ដោយជំងឺយ៉ាង​ធ្ងន់ធ្ងរ ជាច្រើនខែ និងទទួលបានការព្យាបាលទាំងពេទ្យនៅវៀតណាម និងបរទេស។

ភ្លាមៗក្រោយពីទទួលព័ត៌មាននៃ​មរណភាពប្រធានាធិបតី​វៀតណាមរូបនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភាជាតិកម្ពុជា បានចាត់ទុកមរណភាពប្រធានាធិបតីវៀតណាម ជាការបាត់បង់មិត្តដ៏ល្អរបសស់កម្ពុជា។

តាមរយៈលិខិតរំលែកទុក្ខរបស់រដ្ឋសភាកម្ពុជាដែលចុះហត្ថលេខាដោយ សម្តេចអគ្គមហាពញាចក្រី ហេង សំរិន នៅថ្ងៃទី២១ ខែកញ្ញា ឆ្នាំ២០១៨ មានសេចក្តីថា ​មរណភាពរបស់ឯកឧត្តម ត្រាន់ ដាយក្វាងគឺជាការបាត់បង់ដ៏ធំធេង នៃថា្នក់ដឹកនាំដ៏ល្អ និងគួរឱ្យគោរពកោតសរសើររបស់ប្រទេសនិងប្រជាជនវៀតណាម និងការបាត់បង់មិត្តដ៏ល្អរបស់កម្ពុជា។ ក្នុងខណៈដ៏សោកសង្រែងនេះ ការឧទ្ទិស និងការបួងសួងរបស់ខ្ញុំ (សម្តេចអគ្គមហាពញាចក្រី ហេង សំរិន​) ស្ថិតនៅជាមួយឯកឧត្តម និងប្រជាជនវៀតណាមជានិច្ច។

ក្នុងលិខិតរំលែកទុក្ខនេះ សម្តេចអគ្គមហាពញាចក្រី ហេង សំរិន តំណាងឱ្យសភាជាតិកម្ពុជាសូមសម្តែងនូវសមាណចិត្ត និងការចូលរួមរំលែកទុក្ខដ៏ក្រៀមក្រំបំផុងជូនចំពោះបក្ស រដ្ឋ និងប្រជាជនវៀតណាម ក៏ដូចជាចំពោះក្រុមគ្រួសារសព នូវការបាត់បង់ឯកឧត្តមប្រធានរដ្ឋ ជាទីគោរពស្រលាញ់នេះ។  

@Amapapa.News

Feature Ads