អាជ្ញាធរប៉ូសិលប៉ុស្តិ៍ឃុំអំពិល ស្រុករមាសហែក ខេត្តស្វាយរៀង មិនឱ្យបើកវគ្គបណ្ដុះបណ្ដាលចិញ្ចឹមមាន់ នៅព្រឹកថ្ងៃទី១៧ ខែកញ្ញា ឆ្នាំ២០១៨។
សមត្ថកិច្ចប៉ុស្តិ៍នគរបាល និងអធិការស្រុក បានចុះឃាត់ វគ្គបណ្តុះបណ្តាលបង្រៀនពីវិធីចិញ្ចឹមមាន់តាមបែបធម្មជាតិនិង ការផ្សំចំណីមាន់តាមបែបធម្មជាតិរបស់ប្រជាសមាគមនៅភូមិត្រពាំងពពេល ឃុំអំពិល ស្រុករមាហែកខេត្តស្វាយរៀង បើទោះបីជាអង្គការនេះអះអាងថា បានសុំច្បាប់អនុញ្ញាតហើយក្តី។ ការចុះឃាត់ប្រជាសហគមន៍នៅពេលនេះ បង្កឱ្យពលរដ្ឋតូចចិត្តជាខ្លាំង ខណៈដែលតំណាងប្រជាសហគមន៍ហៅទង្វើនេះថាការគំរាមកំហែងនិងរារាំងការអភិវឌ្ឍន៍កម្រិតជីវភាពរបស់ប្រជាពលរដ្ឋ។ យោងតាមហ្វេសប៊ុក Theng Savoeun.
បើតាមសមាគម CCFC បានធ្វើការជូនដំណឹង និងយល់ព្រមពីសំណាក់មេភូមិ មេឃុំ និងការិយាល័យកសិកម្មស្រុកក៍ដោយ។
ប្រជាសហគមន៍ បានបង្ហាញការសោកស្ដាយចំពោះអាជ្ញាធរមូលដ្ឋាន ដែលមិនបានផ្ដល់ភាពងាយស្រួលដល់ដំណើរការបង្រៀនអំពីរបៀបចិញ្ចឹមមាន់បែបធម្មជាតិ និងបច្ចេកទេសដល់កសិករ ហើយបែរជាមកហាមឃាត់មិនឱ្យបង្រៀនទៅវិញ ក្រោមហេតុផលថា គ្មានច្បាប់អនុញ្ញាតពីអាជ្ញាធរខេត្ត។
អ្នកស្រី ខៀវ សារ៉ុន តំណាងសហគមន៍សាមគ្គីរមាសហែក មានប្រសាសន៍ថា៖ ពួកគាត់បានជូនដំណឹងទៅអាជ្ញាធរមូលដ្ឋាន និង មានការយល់ព្រមពីការិយាល័យកសិកម្មស្រុកកាលពីថ្ងៃទី១២ កញ្ញារួចហើយ ដើម្បីបើកវគ្គបណ្ដុះបណ្ដាលដល់កសិករពីរបៀបចិញ្ចឹមមាន់នៅចន្លោះពីថ្ងៃទី១៧ -១៩ ខែកញ្ញា ឆ្នាំ២០១៨។
សូមអញ្ជើញទស្សនាវិដេអូរដូចតទៅ៖