Friday, September 21, 2018

Breaking News៖ ប្រធានាធិបតីវៀតណាមទទួលមរណភាពហើយ នៅអាយុ៦១ឆ្នាំ

រិទ្ធី

ប្រធានាធិបតី​វៀតណាម លោក ត្រាន ដៃក្វាង (Tran Dai Quang) បានទទួល​មរណភាពហើយ​ នៅអាយុ ៦១ឆ្នាំ។ នេះបើតាម​ការចេញផ្សាយ​​ របស់ទីភ្នាក់ងារ​ BBC មុននេះបន្តិច។

សារព័ត៌មានដដែលបង្ហាញថា លោក Tran Dai Quang បានទទួល​មរណ​ភាព​បន្ទាប់ពីលោក បានរងការវាយប្រហារ​ដោយជំងឺយ៉ាង​ធ្ងន់ធ្ងរ ជាច្រើនខែ និងទទួលបានការព្យាបាលទាំងពេទ្យនៅវៀតណាម និងបរទេស។

យោងតាមវិទ្យុរដ្ឋវៀតណាម​បានចេញផ្សាយថា៖ ប្រធានាធិបតី​វៀតណាមបានទទួល​មរណភាព​នៅ​វេលាម៉ោង ១០៖០៥នាទីព្រឹក (ម៉ោងនៅទីក្រុងហាណូយ) ក្នុងមន្ទីរពេទ្យ​យោធា​នៃប្រទេស​វៀតណាម។

គួរបញ្ជាក់ថា លោក Tran ត្រូវបានក្រុម​គ្រូពេទ្យវៀតណាម និងបរទេស រួមទាំងសាស្ត្រាចារ្យ​​ពេទ្យជាច្រើនរូប​​ ព្យាយាម​ដើម្បីជួយសង្គ្រោះ ប៉ុន្តែលោកនៅ​តែមិនអាចឆ្លងផុត​គ្រោះថ្នាក់ដដែល ខណៈគេនៅមិន​ទាន់ដឹងថា តើជំងឺធ្ងន់ធ្ងរ​របស់លោកនោះ ជាអ្វីឱ្យប្រាកដ​នោះឡើយ។

សូមរំលឹកថា លោក Tran Dai Quang បានស្បថចូលកាន់តំណែងក្នុងប្រទេសកុំមុយនីសមួយនេះកាលពីឆ្នាំ២០១៦។

@Amapapa.News

Feature Ads