ពាក្យខ្មែរថាដេញទាន់កុំជាន់កែង ប៉ុន្តែពួកបោកប្រាស់នៅកម្ពុជាពិសេសទណ្ឌិតរត់ចោលគុកបើមិនជាន់កែងមិនរាងចាលទេ។ ឯណាទៅអាមេរិកមិនអោយជាន់ដី? ឯណាទៅដែលអសនៈនៅអង្គការសហប្រជាជាតិត្រូវបានព្យូរ?
ឯណាទៅដែលគេមិនអោយប្រតិភូលោកហ៊ុន សែនចូលរួមប្រជុំ? អ្នកបោកប្រាស់គេគួរទៅរៀនថែមទៀត ឯអ្នកជឿគេបោកគួរមានការអៀនខ្មាសផងដែរ។
នេះជាសារឌឺដងទៅមន្ត្រីជាន់ខ្ពស់គណបក្សប្រឆាំងរបស់សម្តេច ហ៊ុន សែន កំឡុងពេលដែលសម្តេចកំពុងតែស្ថិតនៅក្នុងកិច្ចពិភាក្សាទូទៅ នៃមហាសន្និបាតអង្គការសហប្រជាជាតិលើកទី៧៣នៅទីក្រុងញូវយ៉ក សហរដ្ឋអាមេរិក។
ទាក់ទងនឹងសំណួរខាងលើរបស់សម្តេច ហ៊ុន សែន លោក ស៊ន តារា អតីតគ្រូបង្រៀនទស្សនវិទ្យាដែលកំពុង និរទ្ទេសទៅបរទេស បានឆ្លើយបែកកត្តវិទ្យាយ៉ាងដូច្នេះថា៖ ខ្ញុំសូមឆ្លើយសំណួរ៣របស់តេជោកូនមាន់ពេលចេញក្រៅ៖ ១-សម្តេចសួរថានរណាគាត់ចូលអាមេរិកមិនបាន? ចម្លើយ៖ ហ៊ុន សែន ចូលស្នាក់ការ UN មានទីតាំងនៅលើទឹកដីអាមេរិក តែបរិវេណប្រជុំ និងសណ្ឋាគារប៉ុណ្ណោះ។ មានន័យថាមកពីទីស្នាក់នៅអាមេរិក មិនមែនហ៊ុន សែនចូលអាមេរិកទេ។
ចំណែកឯ សំណួរទី២- បើខ្ញុំ (សម្តេច ហ៊ុន សែន) ខុសច្បាប់ហេតុអ្វី UN អញ្ជើញឱ្យមកអង្គុយ និងថ្លែង?
លោក ស៊ន តារា ឆ្លើយថា៖ ខៀវ សំផន និងអៀង សារី គឺជាមេឃាតករចិនជួយសម្លាប់ខ្មែរឆ្អឹងគរដូចភ្នំហេតុអ្វីUN អញ្ជើញទៅអង្គុយ និងថ្លែង ឯហ៊ុន សែន ថាអ្នករំដោះជាតិចន្លោះ១៩៧៩-១៩៩២ គេមិនហៅទៅអង្គុយនិងថ្លែង? ប្រជុំUN ជាការប្រជុំសមាជិកខ្លួនរួមមានទាំងប្រទេសផ្តាច់ការឃោឃៅ និងប្រទេសសិទ្ធិមនុស្ស គ្មាននរណាអញ្ចើញ ទេ គឺសមាជិកត្រូវចូលរួមទោះអ្នកខ្លះត្រូវបាន អាមេរិកហាមមិនឲ្យជាន់ទឹកដីក្តី ធ្វើម៉េចបើស្នាក់នៅទីហ្នឹង។
ដោយឡែកសំណួរទី៣- ឯណាទៅថាគេដកហូតកៅអី ឥឡូវខ្ញុំកំពុងតែអង្គុយ? ចម្លើយ៖ បោក! គ្មាននរណាថា UNដកហូត ឬព្យួរកៅអីទេគឺហ៊ុន សែន អ្នកថា។ គេថាសភាអឺរ៉ុបស្នើឲ្យព្យួរកៅអីនៅUN ព្រោះរដ្ឋាភិបាលហ៊ុន សែនខុសច្បាប់ ហើយលោកសម រង្ស៊ី និងពលរដ្ឋជាច្រើនគាំទ្រឲ្យព្យួរខាងមុខឆាប់ៗ គ្មាននរណាថាគេដ កឬព្យួរបាត់ទៅហើយឡើយ។ សង្ឃឹមថាមិនយូរទេបើហ៊ុន សែន បន្តរំលោភច្បាប់ និងសិទ្ធិមនុស្សកៅអីនឹងព្យួរ។ កុំដើរស្រាតខោថាចេះបំបាំងកាយ។ ហ៊ុន សែនចប់ហើយ។ ប្តូរ!
