(ស្វាយរៀង)៖នៅថ្ងៃទី១៦ ខែតុលា ឆ្នាំ២០១៨ កម្លាំងមន្ទីរយុត្តិធម៌ សហការជាមួយ កម្លាំងមូលដ្ឋានកងរាជអាវុធហត្ថស្រុកកំពង់រោទិ៍ ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរង ទទួលការងារយុត្តិធម៌ នៅវេលាម៉ោង ២២.៥០យប់នាទី ធ្វើការចុះបង្ក្រាបករណីរក្សាទុក ឬ ជួញដូរដោយខុសច្បាប់នូវសារធាតុញៀន ស្ថិតនៅចំណុច ភូមិព្រៃវល្លិ៍ ឃុំថ្មី ស្រុកកំពង់រោទិ៍ ខេត្តស្វាយរៀង ឃាត់ខ្លួនជនសង្ស័យបានចំនួន ០៣ នាក់ ប្រុស ០២ នាក់ ស្រី ០១ នាក់ ។
១.ឈ្មោះ ហ្វៀង ធីធឿ ភេទប្រុស អាយុ ៤៣ ឆ្នាំជនជាតិវៀតណាម មុខរបរមិនពិតប្រាដក មានទីលំនៅភូមិ អូយាងតី សង្កាត់បិនហៀប ស្រុកតៀងតីង ខេត្តឡុងអាន ប្រទេសវៀតណាម ។
២.ឈ្មោះ វិន ធីបី ភេទស្រី អាយុ ៥៥ ឆ្នាំជនជាតិវៀតណាម មុខរបរមិនពិតប្រាកដ មានទីលំនៅខេត្តទីនយ៉ាង ប្រទេសវៀតណាម ។
៣.ឈ្មោះ ម៉ាយ ង៉ុកឡុង ភេទប្រុស អាយុ ៥២ ឆ្នាំ ជនជាតិវៀតណាម មានទីលំនៅបច្ចុប្បន្ន ភូមិឡុងនឿង ស្រុកកឹងឃូក ខេត្តឡុកអាង ប្រទេសវៀតណាម ។
ចាប់យកវត្ថុតាងទាំងនោះរួមមាន ៖
១.ម្សៅក្រាមពណ៌សថ្លា ចំនួន ០៨ កញ្ចប់ (៤០៤ កញ្ចប់តូច)មានទម្ងន់ ១០៤.៨៥ ក្រាម (គិតទាំងសំបកវិចខ្ចប់)
២.កូនសៀវភៅ ចំនួន ០១ ក្បាល
៣.ថង់សម្រាប់ដាក់គ្រឿងញៀនមួយចំនួន
៤.កូនកន្ត្រៃ ចំនួន ០២ ។
៥.នាឡិកាចំនួន ០១
៦.លោហៈធាតុពណ៌លឿងចំនួន ០២ វង់
បច្ចុប្បន្ននេះឃាត់ខ្លួនជនសង្ស័យ និង វត្ថុតាងដើម្បីកសាងសំណុំរឿងបញ្ជួន ទៅតុលាការផងដែរ ៕ ដោយ៖ភក្ដី
