រតនគិរីៈ ក្មេងស្រី ខ្វិនដៃនិងជើង អាយុ១២ឆ្នាំម្នាក់ ត្រូវយុវជនល្មោភចាប់រំលោភរហូតដល់បានសម្រេច កាលពីម៉ោង២រសៀលថ្ងៃទី១៨ ខែតុលា ឆ្នាំ២០១៨ ស្ថិតនៅភូមិតាឡាវ ឃុំតាឡាវ ស្រុកអណ្តូងមាស ខេត្តរតនគិរី។
នគរបាលស្រុកអណ្ដូងមាស បានឲ្យដឹងថា យុវជនល្មោភកាមរូបនេះ ឈ្មោះ ជឿន សុភា អាយុ២៤ឆ្នាំ ជនជាតិឡាវ សញ្ជាតិខ្មែរ មុខរបរកសិករ មានទីលំនៅកន្លែងកើតហេតុ បានធ្វើសកម្មភាពចាប់រំលោភសេពសន្ទវៈក្មេងស្រីឈ្មោះ ស.ម អាយុ១២ឆ្នាំ ជនជាតិឡាវ (ខ្វិនជើងនិងដៃ) មានទីលំនៅនៅកន្លែងកើតហេតុ រួចគេចខ្លួនបាត់។
បន្ទាប់មកនៅថ្ងៃទី១៩ ខែឆ្នាំដដែលនេះ វេលាម៉ោង៩ព្រឹក នគរបាលប៉ុស្តិ៍តាឡាវបានទទួលបណ្តឹងពីឈ្មោះ សេង ណាង ត្រូវជាបងស្រីក្មេងរងគ្រោះភ្លាម ទើបកម្លាំងប៉ុស្តិ៍សហការជាមួយកម្លាំងជំនាញ ចុះទៅឃាត់ខ្លួនជនបង្ក ដើម្បីកសាងសំណុំរឿងចាត់ការតាមនីតិវិធី៕