កញ្ញា ធី សុវណ្ណថា បានចេញសារព្រមានដោយទុកពេលតែ២៤ម៉ោងដល់ លោក ហេង យីន ហៅចំប៉ាបូស្បា ឱ្យសុំទោសជាសាធារណៈ ដែលបានប្រមាទឈុត “ទេពីស្រីសួគ៌ឦសានបុរៈ។
តាមរយៈហ្វេសប៊ុកនៅថ្ងៃនេះ កញ្ញា ធី សុវណ្ណថា បានឱ្យដឹងថា៖ សារព្រមាន ២៤ម៉ោង ករណីប្រមាថឈុត “ទេពីស្រីសួគ៌ឦសានបុរៈ” សូមព្រមានលោក Heng Yin (ចំប៉ីខ្មៅ) ដែលបានប្រមាថលើពាក្យ “ឦសានបុរៈ” ឦសានបុរៈ ជាពាក្យតំណាង ឈុតវប្បធម៌ជាតិខ្មែរ ជាឈ្មោះទីក្រុងបុរាណខ្មែរ និងជាឈ្មោះនៃអតីត: ព្រះមហាក្សត្រខ្មែរ “ព្រះបាទឦសានវរ្ម័ន ទី១” នៅសតវត្ស ទី៦-៧ នៃប្រវត្តិសាស្ត្រខ្មែរ...
កញ្ញា ធី សុវណ្ណថា បានលើកយកភស្តុតាងថា៖ យោងតាម Video Live និង Post របស់លោក ពីម្សិលមិញបានថា "ឦសានបុរៈ ឈុតគ្មានអត្តសញ្ញាណជាតិ” និងបានភ្ជាប់ដោយរូប សើបចំអក់ 😂 ជាច្រើន.. ទង្វើលោកនេះជាការប្រមាថ បរិហាកេរ្ត៍ លើសម្បត្តិ៍វប្បធម៌ជាតិខ្មែរ និងជាការប្រមាថលើឈ្មោះរាជធានីបុរាណខ្មែរ និងព្រះកិត្តិនាមរបស់អតីតព្រះមហាក្សត្រខ្មែរ។
កញ្ញា សុវណ្ណថា បានព្រមានថា ផ្តល់ឱកាសឲ្យលោក ២៤ម៉ោង ដើម្បីទទួលកំហុស “លុបការផុសប្រមាថ” និងសុំទោសជានជាតិខ្មែរ ជាបន្ទាន់ បើលោកនៅតែបំពាន ខ្ញុំនឹងសិក្សានិតិវិធីច្បាប់ ប្តឹងលោក ពីបទបរិហាកេរ្តិ៍ និងបទប្រមាថអតីត: ព្រះមហាក្សត្រ ទៅក្រសួងព្រះបរមរាជវាំង ក្រសួងវប្បធម៌ វិចិត្យសិល្ប: សាលាដំបូងភ្នំពេញ
និងសាលាខេត្តកំពង់ធំ។
ជាងនេះទៅទៀត កញ្ញា សុវណ្ណថា ក៏បានឃើញមានការប្រមាថ លើសម្បត្តិវប្បធម៌ខ្មែរ ពីជនជាតិបរទេសខ្លះនាងខ្ញុំ កំពុងសិក្សានិតិវិធី ច្បាប់អន្តរជាតិ
កញ្ញា សុវណ្ណថា បានលើកយកបណ្តាសារ “ជនណាបំផ្លាញ ក្លោញ តម្រតេងព្រះអាទិត្យ (សម្បត្តិវប្បធម៌ជាតិខ្មែរ) ជននោះនឹងវិនាសអន្តរាយ” នេះជាបណ្តាសារ ចាទុកជាប់សិលាចារិកប្រាសាទ ត្រពាំងរពាក់ នៃក្រុមប្រាសាទសំបូរព្រៃគុក ក្នុងខេត្តកំពង់ធំ ត្រូវបានបោះពុម្ភ និងផ្សាយដោយរដ្ឋបាលខេត្តកំពង់ធំ។
សារព្រមាននេះធ្វើឡើងក្រោយពីលោក ហេង យីន ហៅចំប៉ីបូស្បា បានសរសេរក្នុងហ្វេសប៊ុកថា៖ តោះចេញទើសពេញទីតែម្ដងទៅ កុំឲ្យគេថា fake page ស្អីគេ ឦសានបុរៈ និយាយដល់បុរេប្រវត្តិ ឈុតគ្មានអត្តសញ្ញាណជាតិ 😂😂😂😂 សម្រាប់រចនាបថសម្បូរព្រៃគុក ខ្មែរនៅទទួលឥទ្ធិពលពីឥណ្ឌា ពេញប្រទេសសោះហ្នឹង រហូតដល់រចនាបថព្រះគោបានខ្មែរចេះច្នៃឲ្យមានលក្ខណៈជាតិនិយមបែបខ្មែរ😂😂😂
មើលបន្តិចស្មានតែឥណ្ឌា 😂😂😂😂😂