នៅរសៀលថ្ងៃព្រហស្បត្តិ៍ ០៩ កើត ខែអស្សុជឆ្នាំ ច សំរិទ្ធស័ក ព.ស ២៥៦២ ត្រូវនឹងថ្ងៃទី១៨ ខែតុលា ឆ្នាំ ២០១៨ លោក ពៅ ពិសិដ្ឋ អភិបាលរងខេត្ត តំណាងឯកឧត្តម បណ្ឌិត ឃឹម ប៊ុនសុង អភិបាល នៃគណៈអភិបាលខេត្តសៀមរាប បានអញ្ជើញចូលរួមក្នុងពិធីបើកការសម្ភោធសហគមន៍មូលនិធិសប្បុរសធម៌ដ៏ធំមួយរបស់ចិនឈ្មោះថា វីឆារីថេបបល ហ្វោនដេសិន (V charitable foundation ) ដោយមានការអញ្ជើញចូលរួមពី លោក Ho Ka leang ប្រធានសហគមន៍ V charitable foundation ពិធីសម្ភោធនេះរៀបចំនៅសាលសន្និសិទសណ្ឋាគារសុខា ខេត្តសៀមរាប។ យោងតាមរដ្ឋបាលខេត្តសៀម រាប ដែលបានចុះផ្សាយកាលពីថ្ងៃទី១៨ ខែតុលា ឆ្នាំ២០១៨។
សូមជម្រាបសហគមន៍នេះមានកម្មវិធីសប្បុរសធម៌ជាច្រើនរួមមាន ការជួយជនក្រីក្រតាមរយៈការឧបត្ថម្ភនូវសម្ភារផ្សេងៗ ដ៏ដូចជាសាងសង់សាលារៀននៅតាមភូមិ ស្រុកដែលមានសេដ្ឋកិច្ចទាន់ខ្សោយ។
ថ្លែងក្នុងពិធីសម្ពោធការិយាល័យសហគមន៍នៅខេត្តសៀមរាប ប្រធានសហគមន៍មូលនិធិសប្បុរសធម៌ វី ឆារីថេបល ហ្វោនដេសិន លោក Ho ថាប្រទេសកម្ពុជាពិតជាអស្ចារ្យណាស់សម្រាប់លោក ពិសេសគឺខេត្តសៀមរាបដែលមានសំណង់ស្ថាបត្យកម្មដ៏ស្រស់ស្អាត។ ក្នុងដំណើរមកកាន់ប្រទេសកម្ពុជាជាលើកទី៣របស់លោក Ho លោកកត់សម្គាល់ឃើញថា កម្ពុជាមានការអភិវឌ្ឍគួរឱ្យកត់សម្គាល់ផងដែរ។
យ៉ាងណាក៏ដោយ សហគមន៍មូលនិធិសប្បុរសធម៌រូបនេះ សង្កេតឃើញថាមានអ្នកក្រីក្រមួយចំនួនផងដែរ។ ក្នុងនាមលោកជាប្រធានមូលនិធិ វី ឆារីថេបល ហ្វោនដេសិន បានរៀបចំកម្មវិធីសប្បុរសធម៌នេះនៅប្រទេសកម្ពុជា បំណងប្រមូលសប្បុរសជននានាមកពីប្រទេសចិន ដើម្បីជួយអ្នកខ្វះខាតទាំងនោះ ដូចជាការឧបត្ថម្ភសម្ភារ និងសង់សាលារៀនជាដើម។
ចំណែកឯ អភិបាលរងខេត្តសៀមរាប លោក ពៅ ពិសិដ្ឋ បានកោតសរសើរចំពោះសកម្មភាពមូលនិធិសប្បុរសដ៏ធំមួយនេះ។
