ភ្នំពេញៈ បុរសចិត្តព្រះវេស្សន្ត ព្រោះតែអាណិតកូន ទើបចិត្តមិនដាច់ ទោះជាដឹងច្បាស់ថាប្រពន្ធលួចមានទំនាក់ទំនងជាមួយបុរសសាហាយ តាម Facebook ហើយប្រពន្ធបានសុំឲ្យមករស់នៅជាមួយ ដំបូងឡើយបុរសជាប្ដីមិនព្រម លុះប្រពន្ធនៅតែអង្វរកច្រើនដងពេក ហើយថែមទាំងប្រាប់ថា ធ្លាប់បានស៊ីជម្រៅជាមួយគ្នា ពីរបីដងរួចមកហើយក៏ដោយ ក៏បុរសជាប្ដីទ្រាំខាំមាត់ សង្កត់ចិត្តប្រៀបដូចព្រះវេស្សន្ត ព្រោះប្រពន្ធចេះតែអង្វរសុំឲ្យមករស់នៅជាមួយតែឲ្យនៅខាងមុខផ្ទះបានហើយ ដោយសុំទុកជាបងប្អូនទេ ព្រោះបុរសជាសាហាយបាក់ចិត្តស្រឡាញ់ខ្លាំងពេក។ រហូតធ្វើឲ្យបុរសចិត្តព្រះវេស្សន្តដែលជាប្តី ព្រមឲ្យមករស់នៅជាមួយ បាន២ថ្ងៃ២យប់ លុះថ្ងៃកើតហេតុខាងលើ ស្រាប់តែប្រពន្ធរបស់គាត់ មិននៅដេកជាមួយគាត់ បែរជាទៅដេកជាមួយសាហាយស្មន់ទៅវិញ ទោះជាព្រះវេស្សន្តក៏អត់ទ្រាំមិនបានទៀតដែរ លុះប្តីខឹងប្តឹងសមត្ថកិច្ច ឃាត់ខ្លួនភ្លាមៗ បង្កឲ្យមានការភ្ញាក់ផ្អើល។
ហេតុការណ៍នេះ បានកើតឡើងកាលពីវេលាម៉ោង២៖៣០នាទីល្ងាច ថ្ងៃទី២០ ខែវិច្ឆិកា ឆ្នាំ២០១៨ នៅផ្ទះជួលមួយកន្លែងក្នុងភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថា ស្ត្រីជាប្រពន្ធមានឈ្មោះ ទ.ស.ណ.រ អាយុ៣៧ឆ្នាំ មុខរបរ កម្មការិនីរោងចក្រ។ មានប្តីឈ្មោះ ន.ស.វ អាយុ៣៩ឆ្នាំ មុខរបរ កម្មកររោងចក្រ។ បានកូន៣ហើយមិនស្កប់ បានសុំប្តីនាំប្រុសសាហាយមានឈ្មោះ ហ.គ អាយុ៣៤ឆ្នាំ មុខរបរ កម្មកររោងចក្រ។
តាមប្រភពព័ត៌មានពីបុរសជាប្តី បាននិយាយប្រាប់ថា គាត់មានប្រពន្ធ២លើកមកហើយ ដោយលើកដំបូងគាត់បានការត្រឹមត្រូវហើយពុំបានទំនាក់ទំនង និងប៉ះពាល់នារីជាប្រពន្ធដើមបន្តិចនោះឡើយ ដោយប្រពន្ធគាត់ទី១រត់ទៅនៅជាមួយប្រុសបាត់។ លុះបានប្រពន្ធក្រោយ មិនបានរៀបការត្រឹមត្រូវទេ ប៉ុន្តែបានទំនាក់ទំនងស្រឡាញ់គ្នា បានប្រមាណ១៦ឆ្នាំហើយ នឹងមានកូន៣នាក់ផងដែរ ព្រមទាំងបានចុះអាតាស៊ីវិលរួចទៅហើយ តែប្រពន្ធគាត់បានហែកចោលបាត់ទៅ។
មុនពេលកើតហេតុ ប្រមាណជាង២ខែមុន ប្រពន្ធនិយាយរឿងប្រាប់ប្តីថា រូបគាត់មានទំនាក់ទំនងជាមួយបុរសខាងលើ តាម Facebook បានសុំរស់នៅជាមួយ តែប្តីមិនព្រម លុះប្រពន្ធគាត់នៅតែអង្វរដដែលច្រើនដងពេក ហើយថែមប្រាប់ការទំនាក់ទំនងស៊ីជម្រៅជាមួយគ្នា ធ្លាប់បានពីរបីដងរួចមកហើយផងដែរ។ ពេលនោះប្រពន្ធរបស់គាត់ចេះតែអង្វរសុំរស់នៅជាទំនាក់ទំនងជាបងប្អូនទេ ដោយឲ្យនៅខាងមុខផ្ទះ ព្រោះបុរសជាសាហាយបាក់ចិត្តស្រឡាញ់ពេក។
រហូតប្តីបានឲ្យមករស់នៅជាមួយបាន២ថ្ងៃ២យប់ ថ្ងៃកើតហេតុខាងលើ ស្រាប់តែប្រពន្ធរបស់គាត់ មិនទៅដេកជាមួយគាត់ បែរជាទៅដេកជាមួយសាហាយស្មន់ទៅវិញ។ បន្ទាប់មកគាត់តេប្តឹងសមត្ថកិច្ចឲ្យជួយអន្តរាគមន៍ឃាត់ប្រពន្ធ នឹងបុរសសាហាយស្មន់នោះ យកទៅសាកសួរភ្លាមៗផងដែរ។
តាមប្រភពដដែលបានបន្តទៀតថា ទោះបីដឹងប្រពន្ធមានទំនាក់ទំនងជាមួយប្រុសផ្សេងក៏ដោយ នៅតែចិត្តមិនដាច់អាណិតកូននៅសិក្សា ដំបូងឡើយថា ទាមទារសំណងក្នុងមួយនាក់ ចំនួន៣ម៉ឺនដុល្លារ ដើម្បីសងជំងឺផ្លូវចិត្ត តែចុងក្រោយ គាត់នឹងដកពាក្យបណ្ដឹងវិញ គ្រាន់តែឲ្យបុរសជាសាហាយ បែកចេញពីគ្រួសាររបស់គាត់ ព្រមទាំងឲ្យប្រពន្ធរបស់គាត់ ធ្វើកិច្ចសន្យាចំពោះមុខសមត្ថកិច្ចជួយដឹងឭ។
ក្រោយពេលកើតហេតុ ប៉ុស្តិ៍នគរបាលរដ្ឋបាលចោមចៅទី២ បានបញ្ជូនស្រ្ដីជាប្រពន្ធ និងសាហាយស្មន់ ទៅកាន់សមត្ថកិច្ចជំនាញខណ្ឌពោធិ៍សែនជ័យ ដើម្បីរង់ចាំភាគីជាប្តី ដកពាក្យបណ្ដឹងវិញ៕