Loading...

Saturday, November 17, 2018

ក្រសួងការពារជាតិ ចេញមុខអះអាងថា កម្ពុជា ជារដ្ឋឯករាជ្យ មិនផ្ដល់ទីតាំងឲ្យបរទេស ធ្វើជាមូលដ្ឋានយោធា នោះទេ

អាម៉ាប៉ាប៉ាញ៉ូស

ភ្នំពេញៈ នាយឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិកម្ពុជា បានបញ្ជាក់ថា ព្រះរាជាណាចក្រកម្ពុជា ដែលជារដ្ឋឯករាជ្យ អព្យាក្រឹត្យអចិន្ដ្រៃយ៍ មិនចូលបក្សសម្ព័ន្ធ ដូច្នេះកម្ពុជា នឹងមិនផ្ដល់ទីតាំងឲ្យបរទេសណាមួយ សម្រាប់ធ្វើជាមូលដ្ឋានយោធានោះទេ។

ការលើកឡើងរបស់អ្នកនាំពាក្យបែបនេះ បន្ទាប់ពីសារព័ត៌មានបរទេសមួយចំនួន បានចម្លងគ្នាផ្សព្វផ្សាយដោយគ្មានប្រភពច្បាស់លាស់ថា ប្រទេសដទៃមានបំណងប្រើប្រាស់ទឹកដីកម្ពុជា ធ្វើជាមូលដ្ឋានយោធា សំចតនាវាចម្បាំង ហើយកម្ពុជា កំពុងស្ថិតនៅចំណុចកណ្ដាល នៃសង្គ្រោមត្រជាក់រវាងចិន-អាមេរិក។

តាមរយៈសេចក្ដីថ្លែងការណ៍របស់អ្នកនាំពាក្យក្រសួងការពារជាតិ នៅថ្ងៃទី១៧ ខែវិច្ឆិកា ឆ្នាំ២០១៨ លោក ឈុំ សុជាតិ អះអាងថា នេះគ្រាន់តែជាដំណឹងក្លែងក្លាយ (Fake News) ដែលក្រុមបរទេសមួយចំនួន ព្យាយាមផ្សព្វផ្សាយចោទប្រកាន់មកលើកម្ពុជា ក្នុងចេតនាអាក្រក់ ញុះញង់ ដើម្បីបំភ័ន្តសាធារណជនជាតិ-អន្តរជាតិ និងជាចេតនាបំផ្លាញដល់ឯករាជ្យភាព អព្យាក្រឹត្យអចិន្រ្តៃយ៍ របស់កម្ពុជា តែប៉ុណ្ណោះ។

អ្នកនាំពាក្យបញ្ជាក់ថា “ព្រះរាជាណាចក្រកម្ពុជា ដែលជារដ្ឋឯករាជ្យ អព្យាក្រឹត្យអចិន្ដ្រៃយ៍ មិនចូលបក្សម្ព័ន្ធ ដូចមានចែងក្នុងមាត្រា៥៣ថ្មី នៃរដ្ឋធម្មនុញ្ញ។ រាជរដ្ឋាភិបាលកម្ពុជា បាន និងកំពុងថែរក្សាសុខសន្ដិភាព ជូនប្រជាពលរដ្ឋ និងទប់ស្កាត់ការប៉ុនប៉ងទាំងឡាយ ដែលអូសទាញនាំឲ្យប្រទេសធ្លាក់ទៅក្នុងសង្គ្រាមជាថ្មី ដើម្បីធ្វើយ៉ាងណាបន្ដការអភិវឌ្ឍជាតិឲ្យមានការរីកចម្រើនទៅមុខ ដូច្នេះហើយកម្ពុជា មិនបានចូលរួមជាមួយសង្គ្រាមត្រជាក់ណាមួយ ឬអនុញ្ញាតឲ្យបរទេសណាមួយ ប្រើប្រាស់ទឹកដីរបស់ខ្លួន ធ្វើមូលដ្ឋានយោធា ដូចដែលព័ត៌មានក្លែងក្លាយទាំងនោះ បានផ្សាយចោទប្រកាន់ទេ”

ដូច្នេះបញ្ហាទាំងនេះ ក្រសួងការពារជាតិ សូមប្រកាសច្រានចោលទាំងស្រុង នូវការចុះផ្សាយរបស់សារព័ត៌មាន Asia Times ដែលលាបពណ៌ ញុះញង់ ធ្វើឲ្យប៉ះពាល់ដល់កិត្យានុភាពវិស័យយោធា និងអព្យាក្រឹតអចិន្រ្តៃយ៍របស់កម្ពុជា និងបញ្ឈប់ការផ្សាយដោយគ្មានប្រភពច្បាស់លាស់នេះទៀត។

សូមរំឭកថា អនុប្រធានាធិបតីអាមេរិក លោក Mike Pence នឹងលើកឡើង អំពីបញ្ហាមូលដ្ឋានកងទ័ពជើងទឹកចិន ដែលកំពុងរីកចម្រើននៅកម្ពុជា នៅឯកិច្ចប្រជុំកំពូល ដែលអាចដាក់រាជធានីភ្នំពេញ ជាបេះដូងនៃការកើនឡើង នៃភាពតានតឹងរវាងមហាអំណាចពិភពលោក។

ចាប់តាំងពីឆ្នាំ២០១៧ ប្រទេសចិន បានបញ្ចុះបញ្ចូលកម្ពុជា សម្រាប់កំពង់ផែមួយនៅខេត្តកោះកុង លើឈូងសមុទ្រថៃ ដែលអាចត្រូវបានប្រើជា មូលដ្ឋានកងនាវាចរផងដែរ ប៉ុន្តែវានៅមិនទាន់ច្បាស់ថា តើការសាងសង់បានរីកចម្រើន នៅលើច្រកទឹកជ្រៅបានប៉ុណ្ណានោះទេ។

ប្រភពការទូតបានប្រាប់សារព័ត៌មាន Asia Times ថា មូលដ្ឋានទ័ពនាពេលថ្មីៗរបស់ចិន នៅកម្ពុជា អាចនឹងត្រូវបានលើកឡើងដោយលោក Mike Pence អនុប្រធានសហរដ្ឋអាមេរិក ដែលបច្ចុប្បន្នកំពុងស្ថិតនៅក្នុងប្រទេសសិង្ហបុរី សម្រាប់កិច្ចប្រជុំកំពូល នៃសមាគមប្រជាជាតិអាស៊ីអាគ្នេយ៍ និងនៅជាប់នឹងប៉ាពួញូហ្គីណេ សម្រាប់កិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (Apec)។

អាមេរិ​ក បានពង្រឹងការដោះស្រាយរបស់ខ្លួនប្រឆាំងនឹងការធ្វើសមយុទ្ធយោធារបស់ចិន នៅសមុទ្រចិនខាងត្បូង រួមទាំងការអំពាវនាវមួយកាលពីសប្តាហ៍មុន ឲ្យរដ្ឋាភិបាលក្រុងប៉េកាំង លុបបំបាត់មីស៊ីល ចេញពីលក្ខណៈពិសេស ដែលខ្លួនបានកាន់កាប់នៅក្នុងតំបន់ដែនដីមានជម្លោះនោះ ដោយក្រុមអ្នកវិភាគមួយចំនួន មើលឃើញពីវិបត្តិមីស៊ីល ដែលអាចកើតមាន។

មូលដ្ឋានកងទ័ពជើងទឹក ដែលគ្រប់គ្រងដោយចិន នៅកម្ពុជា នឹងបង្វែរទិសដៅយុទ្ធសាស្ត្ររបស់តំបន់នេះ ដោយផ្តល់ឲ្យក្រុងប៉េកាំង នូវទីតាំងមួយនៅភាគខាងត្បូង នៅពេលខ្វះខាតនៅក្នុងសេណារីយ៉ូជម្លោះណាមួយ ហើយអ្នកវិភាគនិយាយថា អាស្រ័យលើសាររបស់លោក Pence ដែលអាចទាញកម្ពុជា ចូលទៅក្នុងសមុទ្រចិនខាងត្បូង និងធ្វើឲ្យប្រទេសនេះ កាន់តែមានឥទ្ធិពលដោយផ្ទាល់ ក្នុងនាមជាសត្រូវអាមេរិក៕

@Amapapa.News

Feature Ads