Loading...

Tuesday, November 20, 2018

សម្ដេច ទៀ បាញ់ សំណូមពរឲ្យអ្នកមានស្រុកខ្មែរ ប្រើប្រាស់ឧទ្ធម្ភាគចក្រ ដើម្បីកាត់បន្ថយការកកស្ទះចរាចណ៍ និងចំណេញពេលវេលា

អាម៉ាប៉ាប៉ាញ៉ូស

ភ្នំពេញៈ ថ្លែងចំពោះមុខតំណាងក្រុមហ៊ុនធំៗ នៅស្រុកខ្មែរនៅក្នុងពិធីតាំងពិព័រណ៍បង្ហាញ ការហោះហើរឧទ្ធម្ភាគចក្រទំនើប របស់រុស្ស៊ី សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានសំណូមពរឲ្យម្ចាស់ក្រុមហ៊ុននៅស្រុកខ្មែរ ងាកមកចាប់អារម្មណ៍ ប្រើប្រាស់ឧទ្ធម្ភាគចក្រ ដើម្បីកាត់បន្ថយការកកស្ទះចរាចរណ៍ និងចំណេញពេលវេលាផងដែរ។

ក្នុងពិធីទស្សនាការតាំងពិព័រណ៍ បង្ហាញការហោះហើរឧទ្ធម្ភាគចក្រ ប្រភេទ Ansat និងMI-171A2 របស់​ក្រុមហ៊ុន RUSSIAN HELICOPTER ប្រទេស​រុស្ស៉ី នៅថ្ងៃទី២០ ខែវិច្ឆិកា ឆ្នាំ២០១៨ សម្ដេច ទៀ បាញ់ មានប្រសាសន៍ថា ខ្ញុំនឹងសំណូមពរ ឲ្យពួកគាត់ (ក្រុមហ៊ុន) ងាកមកមើល បើសិនមានលទ្ធភាព ក្នុងការប្រើប្រាស់ឧទ្ធម្ភាគចក្រ ដើម្បីបម្រើឲ្យការងារដែលខ្លួន មានលទ្ធភាពបាន គឺឲ្យគាត់ចាប់អារម្មណ៍។ចាប់អារម្មណ៍យកយន្ដហោះ ប្រភេទនេះ Ansat និងMI-171A2 ប្រសើរជាង

ជាមួយគ្នានេះដែរ រដ្ឋមន្ត្រីក្រសួងការពារជាតិ ក៏បានចាប់អារម្មណ៍ប្រភេទ Ansat និងMI-171A2 ដូច្នេះនៅពេលអនាគត ក្រសួងការពារនឹងគិតគូរតាមរូបភាពណាមួយ។ រដ្ឋមន្ដ្រីថា ឧទ្ធម្ភាគចក្រប្រភេទ Ansat និងMI-171A2 មានវត្តមាននៅកម្ពុជាស្រាប់។

សូមរំលឹកថា ឧស្សាហកម្មផលិត យន្តហោះរបស់សហព័ន្ធរុស្ស៊ី បាននាំយកឧទ្ធម្ភាគចក្រ ប្រភេទថ្មីទាំងនេះ ទៅចូលរួមហោះហើរ បង្ហាញខ្លួន ក្នុងពិព័រណ៍អាកាស និងអវកាសនៅខេត្តស៊ូហៃ ប្រទេសចិន ដោយទទួលបានការគាំទ្រ និងការបញ្ជាទិញពីប្រទេសចិនផងដែរ កាលពីពេលថ្មីៗនេះមុននាំមកហោះហើរបង្អួតខ្លួន នៅប្រទេសកម្ពុជា៕

@Amapapa.News

Feature Ads