Loading...

Thursday, November 29, 2018

ថ្នាក់លើជួយមើលផង! RX 330 ស្លាកលេខខេមរភូមិន្ទ​ បើកបុកម៉ូតូពីក្រោយ របួសធ្ងន់​៣នាក់ រួចបើករត់ រហូតគេដេញចាប់បាន

អាម៉ាប៉ាប៉ាញ៉ូស

ភ្នំពេញៈ សង្កេតឃើញថា​ មួយរយៈនេះ មានរថយន្ត​ពាក់ស្លាកលេខនគរបាល​ និងពាក់ស្លាកលេខ​ខេមរភូមិន្ទ​ តែងតែងបង្កគ្រោះថ្នាក់ចរាចរណ៍នៅពេលយប់ ដោយបើកទៅបុកនេះ បុកនោះ ខណៈម្សិលមិញ ជនជាតិចិន​មិនដឹងបានរថយន្តមកពីណា​ ពាក់ស្លាកលេខ​ខេមរភូមិន្ទ​ យកមកបើកទៅបុករបាំងថ្ម​នៅ​មុខ​ អាកាសយានដ្ឋាន​អន្តរជាតិ​ភ្នំពេញ​ ហើយយប់មិញនេះ ក៏មានបុរសម្នាក់ បើករថយន្ត LEXUS RX330 មួយគ្រឿង​ ស្លាកលេខខេមរភូមិន្ទ បោះពួយទៅបុកម៉ូតូមួយគ្រឿងជិះដោយបុរស៣នាក់ពីក្រោយ បណ្តាលរងរបួសធ្ងន់ រួចរថយន្តបង្កបើករត់រាប់រយម៉ែត្រ ទើប​ត្រូវបានកម្លាំងសមត្ថកិច្ចដេញចាប់បាន​មកវិញ។

គ្រោះថ្នាក់ចរាចរណ៍នេះ កើតឡើងកាលពីវេលាម៉ោង១០៖៣០នាទីយប់ ថ្ងៃទី២៨ ខែវិច្ឆិកា ឆ្នាំ២០១៨ ស្ថិតនៅចំណុចគល់ស្ពានបេឡេត្រោយខាងកើត តាមបណ្តោយផ្លូវ6A ​ក្នុងសង្កាត់ជ្រោយចង្វារ ខណ្ឌជ្រោយចង្វារ​ រាជធានីភ្នំពេញ​។

តាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុគេឃើញបុរសម្នាក់បើករថយន្តមួយគ្រឿងម៉ាកឡិចស៊ីស RX330 ពណ៌ត្រីអ៊ី ពាក់ស្លាកលេខខេមរភូមិន្ទ 01-2-0337 ធ្វើដំណើរពី​លើស្ពានបេឡេ ក្នុ​ងទិសដៅពីលិចទៅកើត លុះមកដល់ចំណុចកើតហេតុខាងលើបានរេចង្កូតទៅបុកម៉ូតូមួយគ្រឿងម៉ាកឌ្រីមសង់ ស៊េរី២០១៥ ពណ៌ខ្មៅ ពាក់ស្លាកលេខភ្នំពេញ1FC-3667 ជិះដោយបុរសម្នាក់បីនាក់ ពី​ក្រោយពេញទំហឹង បណ្តាលដួលបោកនិងថ្ន​ល់ រងរបួសធ្ងន់ទាំងបីនាក់ ហើយរថយន្ត​បង្កមិនឈប់ទទួលខុសត្រូវនោះទេ បានបន្ថែមល្បឿនបើករត់មកដល់ចំណុចផ្លូវជាតិលេខ៦អា ទល់មុខភោជនីយដ្ឋានកាដូ ត្រូវបានកម្លាំងសមត្ថកិច្ចដេញចាប់បានទាំងរថយន្ត និងអ្នកបើកបរ។ ចំណែកជនរងគ្រោះ ត្រូវរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ។

ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកដល់កន្លែងកើតហេតុដោយភាគីបង្កសូមសម្របសម្រួលជាមួយភាគីរងគ្រោះ ដោយភាគីបង្កបានចេញសំណងជួលជុលម៉ូតូនិងចេញថ្លៃព្យាបាលទាំងស្រុងទៅលើជនរងគ្រោះដើម្បីបញ្ចប់រឿងនៅនិងកន្លែងកើតហេតុ៕

@Amapapa.News

Feature Ads