header ads

Sponsor

អាម៉ាប៉ាប៉ាញ៉ូស

ភ្នំពេញៈ ឧកញ៉ា ឌួង ឆាយ បានចំអកឲ្យ​អ្នកនយោបាយវ័យក្មេង លោក វិល្លាម ក្រោយពីលោក បានអបអរសាទរចំពោះការបញ្ចប់មុខងាររបស់មន្ត្រីខិលខូច បង្កបញ្ហាដល់ពលរដ្ឋមិនចេះអស់មិនចេះហើយ ពោល​គឺអភិបាលខេត្តសៀមរាម លោក ឃឹម ប៊ុន សុង។

តាមរយៈ​ហ្វេសប៊ុកឧកញ៉ា ឌួង ឆាយ បានសរសេរប​ង្ហោះថា “មិនចេះខ្មាសគេ សមជាអ្នកនយោបាយមែនក្រពើក្នុងទឹក អូនមិនហ៊ានចាប់ ដល់ពេលក្រពើងាប់ ស្រាប់អូនចាប់ឲ្យ​ប្រជាជនមើល។ រឿងចាក់ដីលុបសមុទ្រនៅកំពង់សោមដល់ណាហើយជាពិសេសរឿងកោះត្រាល់សន្យាមុនបោះឆ្នោតយ៉ាងមិចហើយ?” 

ការលើកឡើងរបស់ឧកញ៉ា ឌួង ឆាយ បែបនេះ ក្រោយ​លោក វីល្លាម ដែលស្គាល់ថា ជាអ្នកនយោបាយវ័យក្មេង បានសរសេរបង្ហោះលើ​​ហ្វេសប៊ុករបស់លោក​ថា “បន្ទាប់ពីសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ បានរកឃើ​ញកំហុសជាច្រើ​ន និងបានស្នើ​ដល់សម្ដេចនាយករដ្ឋមន្ត្រីឲ្យ​ដកតំ​ណែងលោក ឃឹម ប៊ុនសុង ពីអភិបាលខេត្តសៀមរាប ។ ខណៈនេះលោក ឃឹម ប៊ុន សុង បានបញ្ចប់មុខងារជាអភិបាលនៃខេត្តសៀមរាបហើ​យ សូមអបអរសាទរចំពោះការបញ្ចប់មុខងាររបស់មន្ត្រីខិលខូចបង្កបញ្ហាដល់ពលរដ្ឋមិនចេះអស់មិនចេះហើយ”

ជាមួយនឹងរឿងនេះដែរ ខាងលោកវិល្លាម ក៏បានឆ្លើយតបវិញផងដែរថា៖ ខ្ញុំបានដាក់សេចក្ដីជូនដំណឹងមួយ ស្ដីពីទិន្នន័យប្រមូលមេដៃ យុទ្ធនាការស្នាមមេដៃមួយដេីម្បីកោះត្រល់ លេី Pin top of page តែនៅមានគេ សួរទៀតថាដំណេីរការដល់ណាហេីយ ខ្ញុំឆ្ងល់ថា តេីអត់ចេះអានអក្សរទេឬបានមកសួរអញ្ចឹង ? បេីថាមិនចេះអានអក្សរ ចុះម្ដេចអាចសរសេរអក្សរ comment បាន ?

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post