Monday, December 17, 2018

ឆ្នេរសមុទ្រក្រុងព្រះសីហនុ! បុគ្គលិកកាស៊ីណូ២នាក់ ត្រូវក្រុមក្មេងទំនើង ប្រើ​ដាវ និងកាំបិត ភ្ជង់គំរាមយកទ្រព្យសម្បត្តិអស់ពីខ្លួន

អាម៉ាប៉ាប៉ាញ៉ូស

ព្រះសីហនុៈ បុគ្គលិកកាស៊ីណូប្រុសស្រី២នាក់ ត្រូវបានក្រុមក្មេងទំនើងមានប្រហែល៧ទៅ៨នាក់ ប្រដាប់ដោយដាវ និងកាបិតគ្រប់ដៃ បានសកម្មភាពភ្ជង់គំរាម យកទ្រព្យសម្បត្តិអស់ពីខ្លួន ហើយគេចបាត់។

ហេតុការណ៍អសន្តិសុខខាងលើនេះ កើតឡើងកាលពីវេលាម៉ោង១១៖៣០នាទីយប់​ថ្ងៃទី១៥ ខែធ្នូ ឆ្នាំ២០១៨ នៅត្រង់ចំណុចលើកញ្ចុះ ឆ្នេរឯករាជ្យ(ឆ្នេរ៧ជាន់) ស្ថិតនៅក្រុមទី9 ភូមិ1 សង្កាត់លេខ៣ ក្រុងព្រះសីហនុ ខេត្តព្រះសីហនុ។

សមត្ថកិច្ចបានឲ្យដឹងថា ជនរងគ្រោះទី១. ឈ្មោះ សំ សុភាព ភេទប្រុស អាយុ២៩ឆ្នាំ មុខរបរ បុគ្គលិកកាស៊ីណូ G.T.I ស្នាក់នៅផ្ទះជួលភូមិ៣ទំនប់រលក សង្កាត់លេខ១ ក្រុងព្រះសីហនុ ខេត្តព្រះសីហនុ បានបាត់បង់សម្ភាររួមមាន ៖ ទូរស័ព្ទដៃ២គ្រឿង( អាយហ្វូនហ្វាយអេស១គ្រឿង - ម៉ាកoppo ១គ្រឿង) លុយចំនួន៣៥$  លុយខ្មែរ១ម៉ឺនរៀល អត្តសញ្ញាណប័ណ្ណ១សន្លឹក កាតគ្រី១សន្លឹក។ ជនរងគ្រោះទី២ ឈ្មោ ភោគ ចន្ធី ភេទស្រី អាយុ២៨ឆ្នាំ មុខរបរបុគ្គលិកកាស៊ីណូ ឡាវូ ស្នាក់នៅអគារបុគ្គលិក ភូមិ២ សង្កាត់លេខ២ ក្រុងព្រះសីហនុ ខេត្តព្រះសីហនុ បានបាត់​បង់សម្ភាររួមមាន ៖ ទូរស័ព្ទដៃ១គ្រឿងម៉ាកoppo  លុយចំនួន៣០$ លុយខ្មែរចំនួន២ម៉ឺនរៀលកូនសោម៉ូតូ១ និងសម្ភារផ្សេងៗមួយចំនួន។

ក្រោយទទួលព័ត៌មានខាងលើនេះភ្លាម កម្លាំងសមត្ថកិច្ច បានធ្វើ​ការស្រាវជ្រាវ ឃាត់ខ្លួនជនសង្ស័យចំនួន៥នាក់ ទី១- ឈ្មោះ ស៊ុយ ទ្រី ភេទប្រុស អាយុ២៥ឆ្នាំ កម្មករសំណង់។ ២-ឈ្មោះ ស៊ុយ សុផាន់ ភេទប្រុស អាយុ២៥ឆ្នាំ កម្មករ សំណង់។ ៣-ឈ្មោះ វ៉ាត់ ពៅ ភេទប្រុស អាយុ ២៣ឆ្នាំ ជាងម៉ាស៊ីនត្រជាក់។ ៤- ឈ្មោះ ឃឹត ថា ភេទប្រុស អាយុ១៩ឆ្នាំ កម្មករសំណង់។ ៥-ឈ្មោះ ខន ជា ភេទប្រុស អាយុ២១ឆ្នាំ កម្មករសំណង់។ ជនទាំង៥នាក់ខាងលើ ស្នាក់នៅក្នុងការដ្ឋានសំណង់ម្ដុំកំពេញ ក្រុម៩ ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។

សម្ភារៈដែលចាប់យកបានរួមមាន ៖ -ទូរស័ព្ទដៃ១គ្រឿងម៉ាក oppo (ផលចោរកម្ម) -ដាវ១ដើម (វត្ថុតាងធ្វើសកម្មភាព) -កាំបិតចិតបន្លែ១ដើម( វត្ថុតាងធ្វើសកម្មភាព)។

បច្ចុប្បន្ន​ជនសង្ស័យ រួមទាំងវត្ថុតាង សមត្ថកិច្ចបាន​កសាងសំណុំរឿង បញ្ជូនទៅតុលាការចាត់ការតាមនីតិវិធី៕

@Amapapa.News

Feature Ads