Friday, December 21, 2018

កម្លាំងចម្រុះ​ស្រុកអូរយ៉ាដាវ ស្ទាក់ចាប់រថយន្តសាំយ៉ុង២គ្រឿង ដកហូត​ឈើប្រណីតជាច្រើនម៉ែត្រគីប

អាម៉ាប៉ាប៉ាញ៉ូស

រតនគិរីៈ រថយន្តសាំយ៉ុងចំនួន២គ្រឿង ដឹកជញ្ជូនឈើប្រណីតជាច្រើនម៉ែត្រគីប ត្រូវបានកម្លាំងចម្រុះស្រុកអូរយ៉ាងដាវ ស្ទាក់ចាប់បាន រួចប្រគល់ជូនរដ្ឋបាលព្រៃឈើបរកែវ។

ការឃាត់រថយន្តសាំយ៉ុងទាំងពីរគ្រឿងខាងលើនេះ ធ្វើឡើងនៅវេលាម៉ោង២រសៀល​ថ្ងៃព្រហស្បតិ៍ ទី២០ ខែធ្នូ ឆ្នាំ២០១៨ នៅចំណុចភូមិសោមត្រក ឃុំសោមធំ ស្រុកអូរយ៉ាដាវ ខេត្តរតនគិរី។

ប្រភពពីសមត្ថកិច្ច ដែលចុះឃាត់រថយន្តខាងលើ បានឲ្យដឹងថា ប្រតិបត្តិការនេះ កម្លាំងចម្រុះ​ស្រុកអូរយ៉ាដាវ ដឹកនាំដោយលោក ស៊ឹម លីន អភិបាលរងស្រុក បានចាប់ឃាត់រថយន្តដឹកបទល្មើសដឹកអនុផលព្រៃឈើចំនួន២គ្រឿង នៅចំណុចខាងលើរួមមាន ៖

១- រថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ​២D-២០៤៧ ផ្ទុកឈើប្រណីតប្រភេទធ្នង់ចំនួន៧០៥គីឡូក្រោម និងសុក្រំចំនួន០,៣៦៨ម៉ែត្រគីប។

២- រថយន្តសាំយ៉ុង ពណ៌ស ពាក់ស្លាកលេខបាត់ដំបង ២A-០១៥៩ ផ្ទុកឈើប្រណីតប្រភេទធ្នង់ចំនួន ២៣៥គីឡូក្រោម និងសុក្រំ​ចំនួន០,៣៥៣ម៉ែត្រគីប។

បច្ចុប្បន្នរថយន្តទាំងពីរគ្រឿង រួមនឹងឈើប្រណីតទាំងនោះ ត្រូវបានសមត្ថកិច្ច​ប្រគល់ជូនផ្នែក  រដ្ឋបាលព្រៃឈើបរកែវ ចាត់ចែងបន្តតាមច្បាប់ព្រៃឈើ៕

@Amapapa.News

Feature Ads