ចាប់ពីថ្ងៃទី២៨ ខែធ្នូ ឆ្នាំ២០១៨ ដល់ថ្ងៃទី១ ខែមករា ឆ្នាំ២០១៩ ម្ចាស់អាជីវកម្មក្រឡុងស៊ីម៉ង់ត៍ ម្ចាស់រថយន្តតូច ធំគ្រប់ប្រភេទ និងម៉ូតូសន្តោង ហាមធ្វើចរាចរណ៍ឆ្លងកាត់ទៅកំណាត់លីយ៉ុងផាត់ ពីគល់ស្ពានព្រែកព្នៅ ដល់ផ្លូវគីឡូម៉ែត្រលេខ៦ ដោយត្រូវពង្វាងចរាចរណ៍ឆ្លងកាត់តាមស្ពានព្រែកក្តាមវិញ។ នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ។
មូលហេតុដែលអាជ្ញាធរហាមការចរាចរណ៍រយៈពេល៥ថ្ងៃនេះ ដើម្បីត្រៀមរៀបចំពិធីសម្ពោធវិមានអនុស្សារីយ៍នយោ បាយឈ្នះ ឈ្នះ របស់សម្តេចអគ្គមហាសេនាបតីតេជោ ហ៊ុន សែន និងខួបលើកទី២០នៃការបញ្ចប់សង្គ្រាមស៊ីវិលនៅកម្ពុជា និងដើម្បីអបអរសាទរបុណ្យចូលឆ្នាំសកល២០១៩ ផង។
សូមជម្រាបថា វិមានអនុស្សារីយ៍នយោបាយ ឈ្នះ ឈ្នះ នេះត្រូវបានសាងសង់ឡើងលើផ្ទៃដីទំហំ៨ហិកតា ស្ថិតនៅសង្កាត់បាក់ខែង ខណ្ឌជ្រោយចង្វារ ទល់មុខពហុកីឡដ្ឋានជាតិ មរតកតេជោ ក្នុងតំបន់អភិវឌ្ឍន៍លីយ៉ុងផាត់។