ភ្នំពេញៈ ស្ត្រីមេម៉ាយម្នាក់ បានលង់ស្រលាញ់បុរសជាអ្នករត់ម៉ូតូឌុបម្នាក់ រហូតលង់ខ្លួន លង់ប្រាណ ជ្រុលជ្រួសមានផ្ទៃពោះជិត៣ខែ បែរបុរសនោះបង្ខំឲ្យគាត់យកកូនចេញ និងទិញថ្នាំទម្លាក់កូនឲ្យលេបផងដែរ តែដោយសារចិត្តស្រលាញ់កូន រូបនាងមិនព្រមធ្វើតាមបុរសជាគូស្នេហ៍ទើបទុករហូតគ្រប់ខែ ក៏បានទាក់ទងទៅបុរសទៀតនោះ បែរជាខាងប្រុស ស្ដីបន្ទោសឲ្យគាត់ថាកុំឲ្យទុក ឥលូវទទួលខុសត្រូវខ្លួនឯងទៅ ហើយដោះដៃចោលគាត់ទាក់ទងលែងបានតែម្ដង ហើយឪពុកម្ដាយរបស់គាត់បានស្ដីបន្ទោសឲ្យថា មានកូនអត់ប្ដី យកមកធ្វើអី ទើបគាត់ខឹងពេក ក៏សម្រេចចិត្តរត់ចេញពីផ្ទះនៅខេត្តព្រៃវែង ឡើងមកដល់មុខវត្តចាក់អង្រែក្រោម ហើយត្រូវប្រជាពលរដ្ឋឃើញក៏នាំមកប៉ុស្តិ៍ប៉ូលិសចាក់អង្រែក្រោម បង្កការភ្ញាក់ផ្អើលទាំងយប់ថ្ងៃទី១៦ ខែធ្នូ ឆ្នាំ២០១៨នេះ។
ស្ត្រីមេម៉ាយម្នាក់ បានលង់ស្រលាញ់បុរសជាអ្នករត់ម៉ូតូឌុបម្នាក់ រហូតលង់ខ្លួន លង់ប្រាណ ជ្រុលជ្រួសមានផ្ទៃពោះហើយទុករហូតដល់សំរាលកូននោះ បានរៀបរាប់ប្រាប់ភ្នាក់ងារ CAM POST ថា បន្ទាប់ពីបានខ្លួនគាត់ជាច្រើនដងហើយ ដឹងថាគាត់មានផ្ទៃពោះជាង៣ខែទៀតនោះ បែរបុរសអ្នករត់ម៉ូតូឌុបនោះបង្ខំឲ្យគាត់យកកូនចេញ និងទិញថ្នាំទម្លាក់កូនឲ្យលេបផងដែរ តែដោយសារចិត្តស្រលាញ់កូន រូបនាងមិនព្រមធ្វើតាមបុរសជាគូស្នេហ៍ទើបទុក និងរស់នៅតែម្នាក់ឯង នៅបន្ទប់ជួលមួយកន្លែងនៅម្ដុំផ្សារកណ្ដាល ខណ្ឌដូនពេញ ដោយធ្វើការអនាម័យនៅអាគាវឌ្ឍនៈ បានប្រាក់ខែតិចតួច រហូតគ្រប់ខែ ក៏បានទាក់ទងទៅបុរសទៀតនោះ បែរជាខាងប្រុស ស្ដីបន្ទោសឲ្យគាត់ថាកុំឲ្យទុក ឥលូវទទួលខុសត្រូវខ្លួនឯងទៅ ហើយដោះដៃចោលគាត់ទាក់ទងលែងបានតែម្ដង។ ទើបជិតដល់ថ្ងៃសំរាលកូន ទើបគាត់ទៅរកម្ដាយដែលស្នាក់នៅបន្ទប់ជួល នៅម្ដុំផ្សារចាស់ ដើម្បីជួយចេញថ្លៃសំរាលកូន រហូតកូនបានជាង២ខែ ដោយម្ដាយរបស់គាត់ធ្វើការអនាម័យនៅអគារវឌ្ឍនៈ តែជិត១០ថ្ងៃហើយដែលម្ដាយរបស់គាត់មិនបានទៅធ្វើការទេ ដោយសារតែជួបគ្រោះថ្នាក់ចរាចរណ៍ ខណៈពេលជិះកង់ត្រូវម៉ូតូបុករបួសជើង ខណៈពេលទៅធ្វើការ។
លុះមុនថ្ងៃគាត់មកភ្នំពេញ ម្ដាយរបស់គាត់បានស្ដីបន្ទោសឲ្យថា មានកូនអត់ប្ដី យកមកធ្វើអី ឃើញពិបាកទេ អ្នកណាជួយអ្នកណា ? ដោយគិតពីរឿងប្ដីក្រោយមានកូនជាមួយហើយមិនទទួលខុសត្រូវ រួចដោះដៃរត់ចោលបាត់ផង នឹងម្ដាយស្ដីបន្ទោសទៀត ទើបគាត់ខឹងពេក ក៏សម្រេចចិត្តរត់ចេញពីផ្ទះ ជិះរថយន្តឈ្នួលទៅស្នាក់នៅផ្ទះជាមួយយាយ និងតានៅឯស្រុកកំណើតនាខេត្តព្រៃវែង តែពេលទៅដល់មុខផ្ទះយាយតា ស្រាប់តែយាយតាស្ដីបន្ទោសមកមុនទៅហើយ ទើបគាត់ដើររករថយន្តជិះឡើងមកភ្នំពេញវិញ និងចេះឲ្យគេជូនមកចុះឡើងៗ មកដល់មុខវត្តចាក់អង្រែក្រោម ហើយត្រូវប្រជាពលរដ្ឋឃើញមានចិត្តអាណិត នាំមកប៉ុស្តិ៍ប៉ូលិសចាក់អង្រែក្រោម។
ក្រោយមកអាជ្ញាធរសង្កាត់ចាក់អង្រែក្រោម មានទាំងលោក ជា សុខៃ ចៅសង្កាត់ចាក់អង្រែក្រោម និងលោក វុឌ្ឈ ផូសារវ័ន្ត មេប៉ុស្តិ៍ចាក់អង្រែក្រោម បានយកចិត្តទុកដាក់និងបានសាកសួរមូលហេតុ គាត់ថាទៅនៅកន្លែងណាក៏បានឲ្យតែមានទឹកងូត គាត់ធ្វើការចិញ្ចើមកូនគាត់ហើយ រួចឲ្យមន្ត្រីទៅទិញបាយ និងទឹកក្រឡុក ជូនគាត់ពិសារមួយពេលសិន និងឲ្យគាត់ស្នាក់នៅមួយយប់សិន ហើយទាក់ទងទៅវិទ្យុABC អាចឲ្យគាត់ស្នាក់នៅបានទេ? ។ ហើយលោក សេង ឈុនហេង ស្មៀនសង្កាត់ចាក់អង្រែក្រោម បានឧបត្ថម្ភថវិកា ចំនួន១០ម៉ឺនរៀល ឲ្យស្ត្រីខាងលើ សម្រាប់ទុកប្រើប្រាស់តាមតម្រូវការផងដែរ។
ភ្នាក់ងារសារព័ត៌មានម្នាក់ យើងក៏បានទាក់ទងទៅABC រៀបរាប់អំពីដំណើររឿង ដោយដំបូងឡើយគ្រាន់តែសួរនាំមូលហេតុវែងឆ្ងាយពេក ស្ត្រីខាងលើក៏អន់ចិត្ត ហេតុអីចាំបាច់សួរនាំម៉េស តែក្រោយពីមានការណែនាំ និងជួយលួងលោមពីលោកមេប៉ុស្តិ៍ និងអ្នកសារព័ត៌មាន ស្ត្រីខាងលើក៏យល់ព្រម ទើបអ្នកយកព័ត៌មានយើងទាក់ទងទៅABC ដើម្បីសុំឲ្យជួយគាត់ផង ហើយABC ក៏អនុញាតិឲ្យសំរាកមួយយប់សិន។
ក្រោយពេលកើតហេតុ ស្ត្រីឈ្មោះ ហេង ខេមរា អាយុ៣៧ឆ្នាំ មានស្រុកកំណើតនៅភូមិពាមទា ស្រុកកំពង់ត្របែក ខេត្តព្រៃវែង និងស្នាក់នៅបន្ទប់ជួលជាមួយម្ដាយម្ដុំផ្សារចាស់ ត្រូវបានអ្នកយកព័ត៌មានយើងជួយហៅកង់បី និងជូនទៅដល់វិទ្យុABC ទាំងយប់រួចហើយ ដោយព្រឹកនេះ ចាំជួបជាមួយបងកាច្រឹបសួរនាំបន្តទៀត ថាត្រូវធ្វើយ៉ាងម៉េចចំពោះការស្នាក់នៅរបស់ស្ត្រីខាងលើនេះ។
ព័ត៌មានលម្អិតខ្ញុំបាទ ម៉េង ភ្នាក់ងារសារព័ត៌មាន CAM POST នឹង Update បន្តទៀត!៕
