ទស្សទាយៈ គ្រូទាយដ៏ល្បីល្បាញ់បំផុតនៅលើពិភពលោក ស្តីពីជោគវាសនា អនាគតរបស់ពិភពលោកទាំងមូល ត្រូវបានពិភពលោកទទួលស្គាល់ថា ការទស្សទាយពីព្រឹត្តិការធំៗ ពិតជាត្រឹមត្រូវ។ លោកយាយពិការភ្នែក Baba Vanga បានទាយទុកជាមុនថា ឆ្នាំ២០១៩ខាងមុខ នឹងមានគ្រោះធម្មជាតិជាច្រើនបានកើតឡើង និងវិបត្តិសេដ្ឋកិច្ច ក៏ដូចជាការគំរាមកំហែងដល់អាយុជីវិតមេដឹកនាំសំខាន់ពីររូបរបស់ពិភពលោក។
សារព័ត៌មាន VTC News បានផ្សាយថា លោកយាយ Vanga មានភាពល្បីល្បាញដោយលោកយាយធ្លាប់បានទាយត្រូវនៅព្រឹត្តិការណ៍ពិភពលោក ដូចជា ការបង្ហាញខ្លួនក្រុមភេរវកម្ម IS ការវាយប្រហារភេរវកម្ម ថ្ងៃទី១១ ខែកញ្ញា នៅអគាមជ្ឈមណ្ឌលពាណិជ្ជកម្មពិភពលោក, រលកយក្សស៊ូណាមិឆ្នាំ២០០៤, អង់គ្លេសចាកចេញពីអឺរ៉ុប, ជំងឺ Ebola ជាដើម។ ការទស្សទាយពីជោគវាសនារបស់ពិភពលោករបស់លោកយាយ គឺបានទាយទុកជាមុនរាប់សិបឆ្នាំមកហើយ មិនមែនទើបតែទាយនោះឡើយ។ តាមការទស្សទាយរបស់លោកយាយ ឆ្នាំ២០១៩នេះ សេដ្ឋកិច្ចអឺរ៉ុប និងដួលរលំ, ប្រធានាធិបតីអាមរិកដូណាល់ ត្រាំ នឹងធ្លាក់ខ្លួនឈឺ។ នៅឆ្នាំ២០១៩ ពិភពលោកមិនសូវស្ងប់ស្ងាត់ សុខសាន្តនោះឡើយ គឺមានការប្រែប្រួលជាច្រើនបានកើតឡើង។
លោកយាយបានទស្សទាយពីរលកយក្សស៊ូណាមិនៅឆ្នាំ២០០៤ បានសម្លាប់មនុស្ស ២២៧.៨៩៨នាក់ និងបំផ្លាញប្រទេសមួយចំនួន ដូចជា ប៉ាគីស្ថាន ឥណ្ឌា ជប៉ុន ឥណ្ឌូនេស៊ីជាដើម។
លោកយាយ Vanga ពិកាភ្នែកតាំងពីអាយុ១២ឆ្នាំក្រោយការបាត់ខ្លួនដោយសារតែព្យុះកំណាច ក្រោយពេលក្រុមសង្គ្រោះរកឃើញ លោកយាយក៏ចេះទស្សទាយពីជោគវាសនារបស់ពិភពលោក។ លោកយាយកើត នៅថ្ងៃទី៣១ ខែសីហាឆ្នាំ១៩១១ និងស្លាប់នៅថ្ងៃទី១១ ខែសីហា ឆ្នាំ១៩៩៦៕