Saturday, December 29, 2018

គ្រោះថ្នាក់រថភ្លើង បុកជាមួយម៉ូតូ យុវជនម្នាក់ ស្លាប់មួយរំពេច

អាម៉ាប៉ាប៉ាញ៉ូស

ភ្នំពេញៈ យុវជម្នាក់ បានស្លាប់ភ្លាមៗនៅនឹងកន្លែងកើតហេតុ ក្រោយជួបគ្រោះថ្នាក់ចរាចរណ៍រថភ្លើងបុកម៉ូតូមួយគ្រឿង​ ម៉ាកហុងដា ឌ្រីម១២៥ ពណ៌ខ្មៅ ស៊េរីឆ្នាំ២០០៨ ពាក់ស្លា​កលេខ ភ្នំពេញ 1AD- 5076 ជិះគ្នា២នាក់។

គ្រោះថ្នាក់ចរាចរណ៍ខាងលើនេះ កើតឡើងកាលពីវេលាម៉ោង៥៖២០នាទីល្ងាចថ្ងៃសុក្រ ៦រោច ខែមិគសិរ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២៨ ខែធ្នូ ឆ្នាំ២០១៨ នៅចណុចផ្លូវរថភ្លើង ភូមិ២ សង្កាត់ស្រះចក ខណ្ឌដូនពេញ រាជធានីភ្នំពេញ

ជនរងគ្រោះ(សព)ឈ្មោះ ទុន សុភ័ក្ដ្រ ភេទប្រុស អាយុ១៨ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅភូមិត្រពាំងបិត ឃុំបឹងណាយ ស្រុកព្រៃឈរ ខេត្តកំពង់ចាម ជាអ្នករួមដំណើរតាមម៉ូតូ។

ក្រោយកើតហេតុ​សព ត្រូវបានក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត៕

@Amapapa.News

Feature Ads