Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

សមត្ថកិច្ចកម្ពុជា បណ្តេញជនជាតិចិន ១៣នាក់ទៀត ក្រោយពីប៉ុន្មាន ថ្ងៃមុន បណ្តេញចេញ ជិត១០០នាក់

អានផ្សេងទៀត

ភ្នំពេញៈ ក្រោមការបញ្ជារដឹកនាំរបស់ លោកនាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ នៅវេលាម៉ោង២ និង២៥នាទីរសៀល ថ្ងៃពុធ ១០រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ៣០ ខែមករា ឆ្នាំ២០១៩ នាយកដ្ឋានស៊ើបអង្កេត និងអនុវត្តនីតិវិធី និងនាយកដ្ឋានច្រកទ្វារទី១ នៃអគ្គនាយកដ្ឋានអន្តោប្រវេសន៍ បានសហការជាមួយសមត្ថកិច្ចមកពីប្រទេសចិន បណ្ដេញជនជាតិចិនចំនួន ១៣នាក់ ក្នុងនោះស្រី២នាក់តាមប្រកាសរបស់ក្រសួងមហាផ្ទៃ ។

ជនជាតិចិនទាំង១៣នាក់នេះ គឺជាឧក្រិដ្ឋជន ដែលរត់គេចពីប្រទេសចិន មកសម្ងំលាក់ខ្លួនផលិតបារីក្លែងក្លាយ ក្នុងព្រះរាជាណាចក្រកម្ពុជា ដើម្បីនាំចេញទៅលក់នៅប្រទេសចិន និងប្រទេសផ្សេងៗទៀត ។

ក្រុមឧក្រិដ្ឋជនទាំងនេះ ត្រូវបានកម្លាំងចម្រុះ នៃអគ្គនាយកដ្ឋានអន្តោប្រវេសន៍ សហការជាមួយស្នងការដ្ឋាននគរបាលខេត្តកណ្ដាល ដឹកនាំដោយ លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្ដាល និងមានការសម្របសម្រួលពី លោក ឯក ស៊ុនរស្មី ព្រះរាជអាជ្ញាអមសាលាដំបូងខេត្តកណ្ដាល បង្ក្រាបបាននៅទីតាំងប្រព្រឹត្តបទល្មើសជាក់ស្ដែង កាលពីថ្ងៃទី១៥-១៦ ខែមករា ឆ្នាំ២០១៩ នៅទឹកដីខេត្តកណ្ដាល ។

សមត្ថកិច្ចចិន ក៏បានយកយន្តហោះពិសេសចំនួន ០១គ្រឿងមកទទួលយកនៅអាកាសយានដ្ឋានអន្តរជាតិភ្នំពេញ ដើម្បីបន្តនីតិវិធីនៅទីក្រុងសៀងហៃ ប្រទេសចិន ៕

ផ្ដល់សិទ្ធិដោយ៖ campost.news
Sponsor