Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

គាំទ្រទេបងប្អូន? រដ្ឋមន្ត្រីក្រសួងអភិវឌ្ឍន៍ជនបទហាមមន្ត្រីប្រើប្រាស់យានជំនិះស្លាកលេខរដ្ឋ ចូលខារ៉ាអូខេ ក្លឹបកម្សាន្ត កន្លែងម៉ាស្សា

អានផ្សេងទៀត

រិទ្ធី

ឯកឧត្តម អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានចេញសេចក្តីណែនាំ ហាមមន្ត្រីក្រោមឱវាទក្រសួងប្រើប្រាស់យានជំនិះ ដែលពាក់ស្លាកលេខរដ្ឋ ក្រៅពីម៉ោងដែលខ្លួនបំពេញការងារ ជាពិសេសកន្លែងសប្បាយគ្រប់ប្រភេទ រួមមានក្លឹបកម្សាន្ត កន្លែងខារ៉ាអូខេ កន្លែងម៉ាស្សាជាដើម។ យោងតាមសេចក្តីណែនាំចុះថ្ងៃទី២៧ ខែធ្នូ ឆ្នាំ២០១៨។

សេចក្តីណែនាំដដែល បានបង្ហាញពីគោលបំណងដើម្បីធានាប្រសិទ្ធភាព ក្នុងការគ្រប់គ្រងទ្រព្យសម្បត្តិរដ្ឋ និងសេចក្តីថ្លៃថ្នូររបស់ស្ថាប័នរដ្ឋ និងមន្ត្រីរាជការសាធារណៈ ក្រសួងអភិវឌ្ឍន៍ជនបទ សូមណែនាំដល់មន្ត្រីដែលប្រើប្រាស់ទោចក្រយានយន្ត និងយានយន្តរបស់ក្រសួង ចំនួន៣ចំណុចដូចខាងក្រោម៖

ទី១- ត្រូវប្រើប្រាស់ទោចក្រយានយន្ត និងយានយន្ត ពាក់ស្លាកលេខរដ្ឋឲ្យបានត្រឹមត្រូវ បើកបរប្រកបដោយសេចក្តីថ្លៃថ្នូរ និងគោរពច្បាប់ចរាចរណ៍ផ្លូវគោកឱ្យបានម៉ឺងម៉ាត់។

ទី២- មិនត្រូវប្រើប្រាស់ទោចក្រយានយន្ត និងយានយន្ត ដែលពាក់ស្លាកលេខរដ្ឋ ក្រៅពីម៉ោងដែលខ្លួនបំពេញការងារឡើយ ជាពិសេសកន្លែងសប្បាយគ្រប់ប្រភេទ រួមមានក្លឹបកម្សាន្ត កន្លែងខារ៉ាអូខេ កន្លែងម៉ាស្សា។ល។

និងទី៣- មិនត្រូវអនុញ្ញាតឲ្យអ្នកដទៃ ប្រើប្រាស់ទោចក្រយានយន្ត និងយានយន្ត ដែលមានស្លាកលេខរដ្ឋ ក្នុងគោលបំណងផ្សេង ដែលមិនពាក់ព័ន្ធទៅនឹងការបំពេញភារកិច្ចរបស់ខ្លួនឡើយ។

សូមបញ្ជាក់ថាក្រសួងអភិវឌ្ឍន៍ជនបទ មាស្លាកលេខសម្គាល់ គឺ រដ្ឋ-20។

@Amapapa.News
Sponsor