Sunday, January 13, 2019

ខ្លាំងមែន! ឈ្មួញឈ្មោះ ចាន់ ណា ដឹកជញ្ជូនឈើរាល់យប់ មិនរំខានសមត្ថកិច្ចពាក់ព័ន្ធ

ព្រះវិហារៈ ឈ្មួញឈើថ្លើមធំម្នាក់ ត្រូវបានគេស្គាល់ឈ្មោះ ចាន់ ណា បានរកស៊ីដឹកជញ្ជូនឈើ ប្រភេទលេខ២ មានឈើផ្ដៀក និងឈើទាល ចេញពីដំបន់ព្រៃការពារដែនជម្រកសត្វព្រៃព្រះរការ ដែលជាព្រៃព្រះរាជក្រិតរបស់រដ្ឋយកទៅដាក់ឃ្លាំងនៅព្រំប្រទល់ព្រះវិហារ-សៀមរាប ស្រុកស្វាយលើ តែពុំមានការរំខានពីសមត្ថកិច្ចពាក់ព័ន្ធណាមួយឡើយ។

សេចក្ដីរាយការណ៍ បានបញ្ជាក់ច្បាស់ថា លោក ចាន់ ណាខាងលើនេះ មានការរកស៊ីដឹកជញ្ជូនឈើយ៉ាសកម្ម និងបានរលូន ដោយសារតែបានទំនាក់ទំនងរត់ការជាមុន ជាមួយស្ថាប័នពាក់ព័ន្ធរួចរាល់អស់ហើយ។

សេចក្ដីរាយការណ៍បន្ថែមទៀតថា លោក ចាន់ ណា បានដើរប្រមូលទិញឈើពីចំណុចភូមិពោធិ៍ទាប ក្នុងស្រុកឆែប ភូមិប្រមេរុ ភូមិបុស្សធំ និងភូមិកំពត ស្ថិតនៅស្រុកត្បែងមានជ័យ ខេត្តព្រះវិហារ។

ក្នុងការដឹកជញ្ជូនឈើរបស់ឈ្មួញខាងលើនេះ សូមឲ្យមន្រ្តីមានតួនាទី និងភារកិច្ច តាំងពីស្រុក មេត្តាបើកភ្នែកមើលផង កុំចាំតែដេកទទួលលាប មិនគិតពីការកាប់បំផ្លាញធនធានធម្មជាតិ ជាពិសេសព្រៃឈើនោះតែម្ដង ហើយបើអស់លោក មន្ត្រី​ពាក់ព័ន្ធរវល់តែជាប់សរសៃនោះទេ ព្រៃឈើថ្ងៃក្រោយ ច្បាស់ជារលាយសាបសូន និងគ្មានកន្លៃងណា ដែលជាទីជម្រករបស់សត្វព្រៃនោះឡើយ។

សូមឲ្យមន្រ្តី​ពាក់ព័ន្ធទាំងអស់ ចេះខ្មាសជនបរទេសមួយចំនួនផង​ គេសុខចិត្តលះបង់ព្រទ្យសម្បត្តិ និងអនាគតរបស់គេ ដើម្បីមក​ការពារព្រៃឈើស្រុកខ្មែរ ខណៈដែលខ្លួនឯងជាជនជាតិខ្មែរ មិនគិតការពារ គិតតែបំផ្លាញ៕

Feature Ads