Tuesday, January 15, 2019

តោះ! មកស្គាល់លក្ខណៈពិសេសរបស់រថភ្លើងថ្មី ដែលនឹងដាក់ឱ្យដំណើរការក្នុងពេលឆាប់ៗនេះ

រិទ្ធី

ក្បាលរថភ្លើង​ថ្មីចំនួនបីគ្រឿងដែលទិញពីប្រទេសម៉ិចស៊ីកូ ដោយរថភ្លើង១គ្រឿងតម្លៃ ជាង១លានដុល្លារ អាចផ្ទុកអ្នកដំណើរជាង១០០នាក់ បន្ថែមពីក្បាលរថភ្លើងមានស្រាប់ ចំនួន២គ្រឿង សម្រាប់ដឹកអ្នកដំណើរតាមប្រព័ន្ធដឹកជញ្ជូនផ្លូវដែក។

នៅថ្ងៃនេះ​ ក្រសួងសាធារណការនិងដឹកជញ្ជូន បានបង្ហាញពីមុខងារសំខាន់របស់ក្បាលរថភ្លើងថ្មីនេះយ៉ាងដូចនេះថា៖ ផ្ទុកមនុស្សបាន​ ៥៦នាក់

- មានម៉ាស៊ីនត្រជាក់

- កៅអីអង្គុយធំទូលាយ

- មានបំពាក់ប្រព័ន្ធ Wi-Fi

- ប្រព័ន្ធហ្វ្រាំងចាប់បានលឿន រហ័ស

- បង្កើនល្បឿនបានលឿន​ ដល់​ ៨០-៩០គីឡូម៉ែត្រ/ម៉ោង

- មានទ្វារ និងជណ្តើរចុះដោយស្វ័យប្រវត្តិ

- មានបំពាក់ប្រព័ន្ធគ្រប់គ្រងរំយោល មិនរលាក់

- ប្រតិបត្តិការអាចបញ្ជាបានទាំងសងខាង

- មានទូរទស្សន៍ ១២គ្រឿងក្នុងមួយទូរថភ្លើង និងបង្គន់អនាម័យ។

បច្ចុប្បន្ននេះ​ ឯកឧត្តម​ ទេសរដ្ឋមន្ត្រី​ ស៊ុន​ ចាន់ថុល​ បានចុះពិនិត្យក្បាលរថភ្លើងប្រភេទថ្មីមកពីប្រទេសម៉ិចស៊ីកូ​ បច្ចុប្បន្នកំពុងពិនិត្យនូវអនុលោមភាពបច្ចេកទេស​ ដើម្បីត្រៀមដាក់ដំណើការនាពេលដ៏ខ្លីខាងមុខនេះ។

សូមបញ្ជាក់ថាក្បាលរថភ្លើង​ចំនួនបីគ្រឿងត្រូវបានមកដល់កំពង់ផែស្វយ័ត​ព្រះសីហនុ​ ហើបានស្ទូចដាក់លើផ្លូវរថភ្លើងទាំងបីគ្រឿងរូចរាល់នៅម៉ោង​ 8:30នាទីព្រឹក កាលពីថ្ងៃទី៩ ខែមករា ឆ្នាំ២០១៩។

@Amapapa.News

Feature Ads