header ads

Sponsor

ភ្នំពេញៈ នារី​វ័យក្មេង​ម្នាក់​ មាន​ផ្ទៃពោះ៥ខែ បានលោតទឹក​សម្លាប់ខ្លួន ​ពីលើ​ស្ពាន​ជ្រោយចង្វារ​ថ្មី តែ​មិន​ស្លាប់ ​ដោយសារ​ចេះ​ហែល​ទឹក ​បង្ករ​ភ្ញាក់ផ្អើល​កាល​វេលា​ម៉ោង១០៖៣០នាទី​យប់ ​ថ្ងៃទី២៩ ខែមករា ឆ្នាំ២០១៩ នៅ​ចំណុច​លើ​ស្ពាន​ជ្រោយចង្វារ​ថ្មី ក្នុង​សង្កាត់​ជ្រោយចង្វារ ខណ្ឌ​ជ្រោយចង្វារ រាជធានី​ភ្នំពេញ។

នារី​វ័យក្មេង​ម្នាក់ ​មាន​ផ្ទៃពោះ៥ខែ​ទៅហើយ ដោយមាន​វិ​ប្ប​ត្ត​ក្នុង​គ្រួសារ ​បានសម្រេច​ចិត្តដើរមក​លោតទឹក​ធ្វើអត្តឃាត​​ពីលើ​ស្ពាន​ជ្រោយចង្វារ​ ហើយ​ក៏លោត​បានសម្រេច​ទៅហើយ តែ​មិន​ស្លាប់​ដោយសារ​ចេះ​ហែល​ទឹក ត្រូវបាន​បងប្អូន​ខ្មែរឥស្លាម​ចេញ​ទូក​ទៅ​ជួយ​ទាន់។

ប្រភពពីកន្លែងកើតហេតុ បានឲ្យដឹងថា មុនពេល​កើតហេតុ​ គេ​ឃើញ​នារី​វ័យក្មេង​ម្នាក់ ​បាន​ដើរ​តាំងពី​សង្កាត់​ស្រះចក ក្នុងទិសដៅ​ពី​លិចទៅ​កើត សម្ដៅ​ឡើង​ស្ពាន​ជ្រោយចង្វារ ខណៈមកដល់​ពាក់កណ្ដាល​ស្ពាន ​ក៏បាន​ឡើងលើ​បង្កាន់ដៃស្ពាន​​ហក់លោត​ចូលទៅក្នុង​ទឹក ដោយសារ​នារី​នោះ​ចេះ​ហែល​ទឹក​បានមក​តោង​នឹង​បង្គោល​ស្ពាន​ជាប់។

ភ្លាមៗនោះ​បងប្អូន​ខ្មែរឥស្លាម​ចេញ​ទូក​ជួយ​អន្តរាគមន៍​ទាន់ពេលវេលា តែដោយសារ​នារី​វ័យ​នោះ​ហែល​ទឹក​អស់កម្លាំង​ផង​នោះ ក៏បាន​សន្លប់​បាត់បង់​ស្មារតី ភ្លាមៗត្រូវ​សមត្ថកិច្ច​ទាក់ទង​រថយន្ត​សាមុយ​មន្ទីរពេទ្យ​កាល់ម៉ែត​មក​យក​ជនរងគ្រោះ​ទៅ​សង្គ្រោះ៕

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post