Wednesday, January 30, 2019

ឪពុកចុងតណ្ហាក្រាស់ ឌុបកូនស្រីក្រមុំ ដល់កន្លែងស្ងាត់ ចាប់រំលោភ

ក្រចេះ៖ បុរសជាឪចុងតណ្ហាក្រាស់ម្នាក់ បានចាប់រំលោភកូនស្រីក្រមុំ អាយុ១៧ឆ្នាំ រហូតបានសម្រេច ហើយត្រូវបានកូនស្រី រត់ទៅប្ដឹងឲ្យសមត្ថកិច្ចចាប់ខ្លួន។

ករណីរំលោភសេពសន្ថវៈនេះ កើតឡើងកាលពីវេលាម៉ោង៤ទៀបភ្លឺថ្ងៃអង្គារ ៩រោច ខែបុស្ស ឆ្នាំច ព.ស ២៥៦២ ត្រូវនឹងថ្ងៃទី២៩ ខែមករា ឆ្នាំ២០១៩ នៅចំណុចវាលស្រែឧបសម្ព័នរវៀងជ័យ ស្ថិតក្នុងភូមិថ្នល់​ ឃុំស្វាយជ្រះ​ ស្រុកស្នួល​ខេត្តក្រចេះ។

សមត្ថកិច្ច បានឲ្យដឹងថា ឪចុងតណ្ហាក្រាស់រូបនេះ ឈ្មោះ គង់ សុខគា ភេទប្រុស​ អាយុ៣៩ឆ្នាំ ជន​ជាតិខ្មែរ បានធ្វើសកម្មភាព កូនស្រីចុង​ឈ្មោះ​ ម. ស. ភ អាយុ ១៧ឆ្នាំ​ ជនជាតិខ្មែរ។ អ្នកទាំងពីរស់នៅចំណុច​រវៀងជ័យ​ ស្ថិតនៅភូមិថ្នល់​ ឃុំស្វាយជ្រះ​ ស្រុកស្នួល​ ខេត្តក្រចេះ​។

សមត្ថកិច្ច បានបន្តថា មុនពេលរំលោភ គឺកូនចុងបានជិះម៉ូតូជាមួយឪពុក មកដល់ចំណុចកើតហេតុខាងលើ ហើយត្រូវបានឪពុកចុងចាប់រំលោភរហូតបានសម្រេច។ លុះដល់វេលាម៉ោង១២ថ្ងៃត្រង់ថ្ងៃដដែល ក្មេងស្រីរងគ្រោះបានរត់ទៅប្ដឹងសមត្ថកិច្ច ភ្លាមៗនោះ សមត្ថកិច្ច​បានចុះទៅដល់កន្លែងកើតហេតុ បានធ្វើ​ការពិនិត្យស្រាវជ្រាវ និងធ្វើ​ការឃាត់ខ្លួន ឪពុកចុង​យកមកប៉ុស្តិ៍ នគរបាលរដ្ឋបាលឃុំស្វាយជ្រះ ដើម្បីសាកសួរ។

បច្ចុប្បន្នជនសង្ស័យឈ្មោះ គង់ សុខគា ត្រូវបានសមត្ថកិច្ច ធ្វើការឃាត់ខ្លួនបណ្តោះអាសន្ន នៅប៉ុស្តិ៍នគរបាលរដ្ឋបាលឃុំស្វាយជ្រះ ដើម្បីកសាងសំណុំរឿងទៅជំនាញខេត្តបន្តតាមនីតិវិធី៕

Feature Ads