Saturday, January 5, 2019

កញ្ចាស់តណ្ហាក្រាស់ ចាប់ក្មេងស្រីអាយុ៧ឆ្នាំ រំលោភរហូតសម្រេចបំណង

ក្រចេះ៖ បុរសចំណាស់ម្នាក់ បានធ្វើសកម្មភាពចាប់ក្មេងស្រីអាយុ៧ឆ្នាំ រំលោភរហូតបានសម្រេច ខណៈក្មេងស្រីរងគ្រោះដើរម្នាក់ឯងទៅងូតទឹកក្រោយផ្ទះ​។

ករណីចាប់រំលោភនេះ កើតឡើងកាលពីវេលាម៉ោង៥៖៤០នាទីយប់ថ្ងៃសុក្រ ១៣រោច ខែមិគសិរ ឆ្នាំច សំរិទិ្ធស័ក ព.ស ២៥៦២ ត្រូវនឹងថ្ងៃទី៤ ខែមករា ឆ្នាំ២០១៩ នៅចំណុចឆះអោញ ស្ថិតនៅក្នុងភូមិតាពុំ ឃុំស្វាយជ្រះ ស្រុកស្នួល ខេត្តក្រចេះ។

សមត្ថកិច្ច បានឲ្យដឹងថា បុរសចំណាស់ល្មោភកាមរូបនេះ ឈ្មោះ ឃឹម វណ្ណដា ហៅ ញោម អាយុ៥៦ឆ្នាំ ជន​ជាតិខ្មែរ រស់នៅចំណុចកើតហេតុខាងលើ បានធ្វើសកម្មភាព ចាប់រំលោភ ក្មេងស្រីរងគ្រោះឈ្មោះ ខ.ន អាយុជាង​៧ឆ្នាំ ជនជាតិខ្មែរ រស់នៅភូមិ ឃុំជាមួយគ្នា រហូតបានសម្រេច១លើក ខណៈដែល​ក្មេងស្រីរងគ្រោះ ដើរទៅងូ​តទឹកខាងក្រោយផ្ទះ ឃ្លាតឆ្ងាយពីផ្ទះ ហើយត្រូវបានជនសង្ស័យខាងលើ ធ្វើសកម្មភាពចាប់​រំលោភទៅលើក្មេងស្រីរងគ្រោះ រហូតបានសម្រេចតែម្តង។ ក្រោយ​ពេលទទួលបានព័ត៌​មានពីលោកមេភូមិ ភ្លាមកម្លាំងប៉ុស្តិ៍នគរបាលរដ្ឋបាលឃុំស្វាយជ្រះ ចុះទៅកន្លែងកើតហេតុ ធ្វើឃាត់ខ្លួនជនសង្ស័យយកមកប៉ុស្តិ៍ ដើម្បីធ្វើការសាកសួរ។

ក្រោយឃាត់ខ្លួន​ និង​សាកសួររួច ជនសង្ស័យបានឆ្លើយសារភាពថា ខ្លួនពិតជាបានធ្វើ សកម្មភាពរំលោភសេពសន្ថវះទៅលើក្មេងស្រីរងគ្រោះប្រាកដមែន។ ដោយឡែក​ក្មេងស្រីរងគ្រោះ ពេលកើតហេតុរួច ត្រូវបានឪពុក ម្តាយយកទៅមន្ទីរពេទ្យ ភ្លាមៗ។

បច្ចុប្បន្នជនបង្ក​ ត្រូវបានឃាត់ខ្លួនបណ្តោះអាសន្ន នៅប៉ុស្តិ៍នគរបាលឃុំស្វាយជ្រះ ដើម្បីកសា ងសំណុំរឿងបន្តតាមនីតិវិធី៕

Feature Ads