Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ឆ្មក់បង្ក្រាបហាងបញ្ចាំ “ហេង ហ៊ួត” ឃាត់ខ្លួនបុរសម្នាក់ ពាក់ព័ន្ធករណីទទួលផលចោរកម្ម

អានផ្សេងទៀត

ភ្នំពេញៈ កម្លាំនគរបាលខណ្ឌដូនពេញ បានចុះត្រួតពិនិត្យទីតាំងហាងទទួលបញ្ចាំមួយកន្លែង យីហា “ហេង ហ៊ួត” ដែលទទួលបញ្ចាំទូរស័ព្ទគ្មានឯកសារត្រឹមត្រូវ និងឃាត់ខ្លួនម្ចាស់ម្នាក់មកសួរនាំ កាលពីថ្ងៃទី១៨ ខែមករា ឆ្នាំ២០១៩ ស្ថិតនៅផ្ទះលេខ៣២Eo ផ្លូវលេខ១៤៨ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ។

ប្រតិបត្តិការនេះ ដោយមានការសម្របសម្រួលដោយលោក គង់ សំសារ៉េត ព្រះរាជអាជ្ញារង អមសាលាដំបូងរាជធានីភ្នំពេញ និងដឹកនាំដោយលោក សុខ ពេញវុធ អភិបាល នៃគណៈអភិបាលខណ្ឌដូនពេញ រួមនិងលោក ទៀង ចាន់សា អធិការនគរបាលខណ្ឌ បានចុះត្រួតពិនិត្យ ដកហូតទូរស័ព្ទមួយចំនួន និងឃាត់ខ្លួនបុរសម្នាក់យកទៅសួរនាំ។

គួរំលឹកផងដែរថា កាលពីយប់ថ្ងៃទី១៧ ខែមករា ឆ្នាំ២០១៩ រហូតមកដល់វេលាម៉ោង៥ព្រឹក ថ្ងៃទី១៨ ខែមករា ឆ្នាំ២០១៩ នៅចំណុចមុខផ្ទះលេខ២៦Eo ផ្លូវលេខ១៥៤ ភូមិទី៦ សង្កាត់ជ័យជំនះ ខណ្ឌដូនពេញ មានករណីលួចមានស្ថានទម្ងន់ទោស ប្រើអំពើហិង្សា (ជិះម៉ូតូឆក់កាបូបស្ពាយ បណ្តាលឲ្យជនរងគ្រោះរងរបួស) ភ្លាមនោះកម្លាំងសមត្ថកិច្ចខណ្ឌដូនពេញ បានដេញចាប់ បានជនសង្ស័យម្នាក់ ឈ្មោះ ស៊ុន ណាដា ភេទស្រី (ខ្ទើយ) អាយុ១៨ឆ្នាំ ជនជាតិខ្មែរ មុខរបរ និង ស្នាក់នៅមិនពិតប្រាកដ ហើយកម្លាំងសមត្ថកិច្ចបានបើកប្រតិបត្តិការស្រាវជ្រាវរហូតឈានដល់ ឃាត់ខ្លួនជនសង្ស័យចំនួន១១នាក់ ជាបន្តបន្ទាប់ ក្នុងនោះមា៦នាក់ ជាមុខសញ្ញាឆក់សកម្ម និង ៥នាក់ទៀត ជាប់ពាក់ព័ន្ធប្រើប្រាស់គ្រឿងញៀន។

លោក ទៀង ចាន់សា អធិការនគរបាលខណ្ឌដូនពេញ បានប្រាប់ឲ្យដឹងថា ដោយអនុវត្តន៍តាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង នឹងជាស្នងការនគរបាលរាជធានីភ្នំពេញ និងអនុវត្តន៍គោលកាដឹកនាំរបស់ លោក សុខ ពេញវុធ អភិបាលខណ្ឌដូនពេញ បន្តស្រាវជ្រាវបង្ក្រាបបទល្មើស ក្នុងមូលរដ្ឋាន ដូចជា បញ្ហាគ្រឿងញៀន លួច ឆក់ និង ប្លន់ ដើម្បីរក្សារបាននូវភូមិ-ឃុំមានសុវត្ថិភាពទាំង៩ចំណុច នៅយប់ថ្ងៃទី១៧ ខែមករា ឆ្នាំ២០១៩ កម្លាំងសមត្ថកិច្ចជំនាញខណ្ឌដូនពេញ បានឃាត់ខ្លួនជនសង្ស័យម្នាក់ ដែលធ្វើសកម្មភាពឆក់កាបូបជនជាតិបរទេសចិន និងបានសួរនាំពីដំណើររឿងបក្ខពួក និងឃាត់ខ្លួនបានជនសង្ស័យប្រុសស្រី ចំនួន១១នាក់ ជាបន្តបន្ទាប់ រហូតដល់បែកធ្លាយយកសម្ភារៈទៅបញ្ចាំនៅហាងមួយកន្លែង យីហោ “ហេង ហ៊ួត”។

លោកអធិការបន្តទៀតថា បន្ទាប់ពីសួរនាំដឹងរឿងរ៉ាវពាក់ព័ន្ធទីតាំងហាងបញ្ចាំ ទទួលទិញទូរស័ព្ទមិនប្រក្រតី នៅព្រឹកថ្ងៃទី១៨នេះ កម្លាំងគណៈបញ្ជាកាឯកភាពខណ្ឌ បានចុះមកត្រួតពិនិត្យ និងបានឃាត់ខ្លួនបុរសម្នាក់ ជាម្ចាស់ទីតាំង រួមនិងទូរស័ព្ទចំនួន១១គ្រឿង ថែបប្លែក ចំនួន៥គ្រឿង យកទៅសួរនាំនៅអធិការដ្ឋាននគរបាលខណ្ឌចាត់ការបន្តតាមនីតិវិធីច្បាប់៕

Sponsor