Tuesday, January 29, 2019

ក្រុមហ៊ុនជាច្រើន នៅហ៊ុំព័ទ្ធ ដែនជម្រកសត្វព្រៃ ភ្នំព្រេច មិនគោរពគោលការណ៍ របស់រាជរដ្ឋាភិបាល និងកាតព្វកិច្ច របស់ខ្លួន

មណ្ឌលគីរីៈ មណ្ឌលគីរីគឺជាខេត្តតំបន់ប្រជុំភ្នំមួយ ស្ថិតនៅភាគឦសានប្រទេស ដែលមានចម្ងាយពីរាជធានី ភ្នំពេញ ៥២១គីឡូម៉ែត្រ តាមដងផ្លូវជាតិលេខ៧, ៧៦A មានផ្ទៃដី ១៤,២៨៨ គីឡូម៉ែត្រការ៉េ មានចំនួន៤ស្រុក ជាប់ព្រំដែន ក្រុងមួយ និងឃុំ២១។

មណ្ឌលគីរី គឺជាខេត្តមួយសម្បូរដោយប្រជុំភ្នំ ដីមួយភាគធំ គឺជាដីដែនជម្រកសត្វព្រៃ មានចំនួនបួនដែន÷

១. ដែនសត្វព្រៃកែវសីមា ( កែវសីមា )

២. ដែនសត្វព្រៃស្រែពក

៣.ដែនសត្វព្រៃភ្នំណាំលៀ

៤. ដែនជម្រកសត្វព្រៃភ្នំព្រេច

មណ្ឌលគីរី ជាខេត្តមួយមានសក្ដានុពលធនធានធម្មជាតិ និងជាផ្នែកមួយ តំបន់ទេសចរណ៍អេកូធម្មជាតិច្រើនយ៉ាង ប្រជាពលរដ្ឋមានមួយភាគធំប្រកបរបរធ្វើស្រែចំការ។

ដើមឆ្នាំ២០១៩នេះ មណ្ឌលគីរី មានភ្ញៀវទេសចរណ៍ជាតិ និងអន្តរជាតិ កំណើនកើនឡើងលើសពីឆ្នាំ២០១៨ ។

ជាក់ស្តែងមួយរយៈប៉ុន្មានឆ្នាំចុងក្រោយនេះ បន្ទាប់ពី គណៈកម្មការថ្នាក់ជាតិ ដឹកនាំដោយ នាយឧត្តមសេនីយ៍ សៅ សុខា កន្លងមក ឃើញថា មានសភាពស្ងប់ស្ងាត់ល្អប្រពៃ ហើយ ឥឡូវនេះ ជំងឺតួឯករបស់ឧកញ៉ាមួយចំនួនតូច កំពុងជិះលើសេះ ស ដៃកាន់លំពែង ចេញច្បាំងដើម្បីរំដោះក្រុមហ៊ុនដីសម្បទាន ច្រើនកន្លែង ដែលរដ្ឋាភិបាលបានដកហូត និងមិនគោរពតាមគោលការណ៍ កាតព្វកិច្ចរបស់ខ្លួន មិនបានយកដីអនុញ្ញាតដែលធ្វើកិច្ចសន្យាស្របច្បាប់ជាមួយរដ្ឋាភិបាល ទៅដាំដុះនោះ ឲ្យរស់ឡើងវិញ ក្រោយការកាប់ដឹកជញ្ជូនឈើនៅក្នុងដីក្រុមហ៊ុនរបស់ខ្លួនហើយ មិនតែប៉ុណ្ណុះថែមទាំងប្រមូលកេណ្ឌគ្នា ត្រូវដងផ្លែ រត់ការយកលុយក្រោម តុ បង្កើតសកម្មភាពបំផ្លិចបំផ្លាញព្រៃដីដែនជម្រកសត្វព្រៃ កាប់ និងជញ្ជូនទាំងយប់ ទាំងថ្ងៃ ដោយគ្មានឃើញអាជ្ញាធរដែនដី មន្ត្រីរាជការថ្នាក់ខេត្តអើពើ នឹងសកម្មភាពខឹលខូចរបស់ក្រុមហ៊ុនទាំងឡាយនោះឡើយ ។

ប្រភពរាយការណ៍ថា ក្រុមហ៊ុនទាំងនោះមានដូចជា

១. ក្រុមហ៊ុន លឹមរ៉ូយ៉ាល់ ( ដានី ជនជាតិវៀតណាម.ចេះខ្មែរប៉ៃឡាំ)

២. ក្រុមហ៊ុនយ៉ូនីហ្រ្គីន ហៅជញ្ជាំងខៀវ ( ឧកញ៉ា តុប វីរ៉ាដា )

៣. ក្រុមហ៊ុន ម៉ាស្ទើខេសាន់ ( ឧកញ៉ា សឹុង សំអុល )

៤.ក្រុមហ៊ុន ណេងណា ( ឧកញ៉ាត្រេន )

៥. និងក្រមហ៊ុនវិនិយោគដី សម្បទានសង្គមកិច្ចអតីតយុទ្ធជន៩៥ ( ឧកញ៉ា ស្រ៊ុន ម៉េងលាង ) ។

ប្រជាសហគមន៍ ក៏ដូចជាប្រជាពលរដ្ឋរស់ក្នុងមូលដ្ឋានតែងតែមានការងឿងឆ្ងល់លួចខ្សឹបខ្សៀវគ្នាថា ហេតុដូចម្តេចបានជាក្រុមហ៊ុនទាំងនោះ មិនដែលឃើញដាំដុះ ឃើញតែដឹកជញ្ជូនឈើចេញជារៀងរាល់លើក ។

ឥឡូវនេះ ឡាន៩គ្រឿង និងមួយគ្រឿងទៀតផ្ដាច់ក្បាលរត់របស់ ដានី មេឈ្មួញដុះស្លែជនជាតិវៀតណាម និយាយខ្មែរប៉ៃឡាំ ដែលកំពុងសម្ងំលាក់ខ្លួននៅភូមិ ដេអេ ឃុំពូជ្រៃ ស្រុកពេជ្រាដា ខេត្តមណ្ឌលគិរី ចំណុចភ្នំវាយថ្ម ៕

Feature Ads