ខេត្តកោះកុង៖ បុរសស្ត្រីពីរនាក់ប្តីប្រពន្ធកំពុងដើរហាត់ប្រាណ ត្រូវម៉ូតូបុកស្លាប់ប្រពន្ធ ចំណែកបុរសជាប្តីរបួសធ្ងន់ ករណីនេះ សមត្ថកិច្ចប្រាប់ថា បានកើតឡើងនៅវេលាម៉ោង ០៦ និង ១៥ ព្រឹក នៅថ្ងៃទី ២៥ ខែមករា ឆ្នាំ ២០១៩ នៅលើផ្លូវ១៤៨៣ ស្ថិតក្នុងភូមិខ្លុង ឃុំស្រែអំបិល ស្រុកស្រែអំបិល ដែលជាគ្រោះថ្នាក់ចរាចរណ៍បង្កដោយម៉ូតូមួយគ្រឿង បុកប៉ះជនរងគ្រោះដែលដើរថ្មើរជើង ក្នងទិសដៅស្របគ្នា ។ម៉ូតូ Wave ពណ៌ខ្មៅ គ្មានស្លាកលេខ បើកបរដោយឈ្មោះ ឌី ហៈសការ ភេទស្រី អាយុ១៥ឆ្នាំ មានទីលំនៅភូមិបានទៀត ឃុំដងពែង ស្រុកស្រែអំបិល បានធ្វើដំណើរមកដល់ចំណុចខាងលើ បានអះអាងថាចាំងផ្លាតនឹងភ្លើងរថយន្ត មើលមិនឃើញ ក៏បានទៅបុកនឹងពីរនាក់ប្តីប្រពន្ធ កំពុងដើរហាត់ប្រាណ។
ជនរងគ្រោះមានឈ្មោះដូចខាងក្រោម ៖ ឈ្មោះ ម៉ាញ វិចិត្រ ភេទប្រុស អាយុ ៤៥ឆ្នាំ ត្រូវជាប្តី បានរងរបួសធ្ងន់ និងឈ្មោះ ច សារឿន ភេទស្រី អាយុ ៣៤ឆ្នាំ ជាប្រពន្ធ រងរបួសធ្ងន់ បានស្លាប់ ពេលបញ្ជូនមកព្យាបាលនៅមន្ទីពេទ្យ ។
បច្ចុប្បន្ន អ្នកបើកបរម៉ូតូ និងវត្ថុតាងត្រូវបានសមត្ថកិច្ច ឃាត់មកអធិការដ្ឋានស្រែអំបិល ដើម្បីកសាងសំណុំរឿងចាត់ការតាមនិតិវិធី ចំពោះសពជនរងគ្រោះ ប្រគល់ជូនសាច់ញាតិ យកទៅធ្វើបុណ្យ នៅគេហដ្ឋាននៃសពតាមប្រពៃណី៕
