Wednesday, January 23, 2019

រថយន្ត​២គ្រឿង បុក​គ្នា​ពេញទំហឹង​នៅស្រុក​ព្រៃនប់ ​មនុស្ស​៦​នាក់ ​រង​របួសធ្ងន់​ស្រាល

​ព្រះសីហនុៈ មានគ្រោះថ្នាក់ចរាចរណ៍មួយកើតឡើង រវាងរថយន្ត​ទំនើប​ពីរ​គ្រឿង​បុក​គ្នា​ពេញទំហឹង​ នៅ​ផ្លូវ​ជាតិ​លេខ​៤​ ក្នុង​ភូមិ​ត្រពាំង​មូល​ ឃុំ​ជើងគោ​ស្រុក​ព្រៃនប់​ បណ្ដាល​ឲ្យរងរបួសធ្ងន់ស្រាល​ មនុស្ស​ចំនួន​៦​នាក់​។

លោក​វរសេនីយ៍ទោ ហួ យ៉ៃ អធិការនគរបាលស្រុកព្រៃនប់​ បាន​ឲ្យ​ដឹង​ថា គ្រោះថ្នាក់ចរាចរណ៍នេះ កើតឡើងនៅ​វេលា​ម៉ោង​៤៖៤០​នាទី​ជិត​ភ្លឺថ្ងៃទី​២៣​ ខែ​មករា​ ឆ្នាំ២០១៩​​នេះ   បន្ទាប់កើតហេតុ ​សមត្ថកិច្ច​បាន​ជួយ​សង្គ្រោះ​ជនរងគ្រោះ​ ដឹក​យក​មក​ព្យាបាល​នៅ​គ្លីនិក​​ឯកជន​ លិ​ គឹម​ឌី​ វាលរេញ។

លោកអធិការបន្តថា ជនរងគ្រោះទី១.ឈ្មោះ ស្រ៊ុន ឡុងហេង  អ្នកបើកបររថយន្ត KING LONG មាន​ទីលំនៅ​ក្រុង​ព្រះសីហនុ រងរបួសធ្ងន់ ។ ២.ឈ្មោះ ទូ ហ៊ូទុង ភេទប្រុស អាយុ ៣៧ឆ្នាំ (ជនជាតិចិន) មានទីលំនៅ ក្រុងព្រះសីហនុ រងរបួសស្រាល។ ៣.ឈ្មោះ ហ៊ិន ស្រីពេជ្រ ភេទស្រី អាយុ២៩ឆ្នាំ មានទីលំនៅភូមិ៤ សង្គាត់៤ ក្រុងព្រះសីហនុ របួសស្រាល។ ៤.ឈ្មោះ ហង្ស ចាន់ចំរើន ភេទស្រី អាយុ២៥ឆ្នាំ មានទីភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ។ ៥ ឈ្មោះ សាំង សារឿន ភេទស្រី អាយុ២៩ឆ្នាំ មានទីភូមិចុងអូរ ឃុំសំរុង ស្រុកព្រៃនប់ ខេត្តព្រះសីហនុ។ ៦.អ្នករួមដំណើរម្នាក់ទៀត មិនស្គាល់អត្តសញ្ញាណ រងរបួសធ្ងន់។

ក្រោយកើតហេតុរថយន្ត​ទាំងពីរគ្រឿង ត្រូវបាន​​សមត្ថកិច្ចយក​មក​រក្សាទុក​នៅ​អធិការ​ដ្ឋាននគរ​បាល​ស្រុក​ព្រៃនប់​៕

Feature Ads