Thursday, January 3, 2019

គ្រាន់តែសួរនាំរឿងមានស្រីសោះ លោកប្តីជាមន្ត្រីយោធាបែរជាខឹង រួចប្រើហិង្សាលើប្រពន្ធ និងបងថ្លៃ​ ទីបំផុតត្រូវសមត្ថកិច្ចឃាត់ខ្លួន

ភ្នំពេញ៖ បុរសម្នាក់ជាមន្ត្រីយោធាត្រូវបានសមត្ថកិច្ចឃាត់ខ្លួន មកសួរនាំករណីប្រើអំពើហិង្សាលើប្រពន្ធ និងបងថ្លៃ ដោយសារតែខឹងប្រពន្ធសួរនាំរឿងមានស្រីថ្មី។

របាយការណ៍របស់សមត្ថកិច្ចបានបញ្ជាក់ឲ្យដឹងថា ករណីហិង្សាក្នុងគ្រួសារនេះកើតឡើងនៅម៉ោង៨យប់ ថ្ងៃទី០២ ខែមករា ឆ្នាំ២០១៩ នៅចំណុចផ្ទះជួល ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ បង្កឡើងដោយជនសង្ស័យឈ្មោះ ហង្ស រ៉ាឌែរ ភេទប្រុស អាយុ២៦ឆ្នាំ​ មុខរបរមន្ត្រីយោធាសម្ភារបច្ចេកទេស ក្រសួងការពារជាតិ​ ឋានន្តរស័ក្តិវរសេនីយ៍ត្រី។

តាមការរៀបរាប់របស់ឈ្មោះ សួន ស្រីទូច ភេទស្រី ជាប្រពន្ធជនសង្ស័យ អាយុ២៧ឆ្នាំ មុខរបរកម្មកររោងចក្រ និងឈ្មោះ សួន សារុន ភេទស្រី ជាបងថ្លៃជនសង្ស័យ មុខរបរកម្មកររោងចក្រ មានទីលំនៅខាងលើបានឲ្យដឹងថា មុនពេលកើតហេតុ ដោយសារជន បង្កមានស្រីពេលប្រពន្ធ​ សួរនាំក៏ឈ្លោះគ្នាហើយប្រើអំពើហិង្សាលើប្រពន្ធ​ នៅពេលបងថ្លៃស្រីសួនាំក៏ទះកំផ្លៀងបងថ្លៃ និងបោកទូរស័ព្ទ និងគំរាមបាញ់សម្លាប់។

សមត្ថកិច្ចបន្តថា ក្រោយពេលកើតហេតុជនបង្ក និងអាវុធខ្លីមួយដើមម៉ាក NP42 (បង់០១គ្រាប់១៥) ត្រូវបាន​ នគបាលប៉ុស្តិ៍រដ្ធបាលចោមចៅ៣ នាំខ្លួនមកសាកសួរ​ ប៉ុន្តែដោយជនបង្កជាយោធាទើបបានប្រគល់ មកឲ្យកម្លាំងអាវុធហត្ថវិញ។

បច្ចុប្បន្នជនបង្ក និងអាវុធខ្លី បានបញ្ជូនទៅការិយាល័យជួញដូរមនុស្ស នៃកងរាជអាវុធរាជធានីភ្នំពេញដើម្បីបន្តនិតិវិធី៕

Feature Ads