ភ្នំពេញៈ មានករណីចោរឆក់ទូរស័ព្ទនារីម្នាក់ ម៉ាក IPhone 8+ បានសម្រេច រួចជិះគេចខ្លួនបាត់ដោយសុវត្ថិភាព ។
ហេតុការណ៍នេះបានកើតឡើងកាលពីវេលាម៉ោងជាង៥ល្ងាច ថ្ងៃទី២៣ ខែមករា ឆ្នាំ២០១៩ នៅតាមបណ្ដោយផ្លូវ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ។
ភិនភាគចោរឆក់ចាប់បានដោយកាមេរ៉ាសុវត្ថិភាព ជិះម៉ូតូម៉ាក Let ពណ៌ស ស្លាកលេខ 3006 មិនចាំក្បាលលេខប៉ុន្មានទេ ជិះម្នាក់ឯង ពាក់អាវដៃវែង ពណ៌ខ្មៅ មួកឃ្លុបពណ៌ស ។
នារីរងគ្រោះ មិនទាន់ស្គាល់អត្តសញ្ញាណនៅឡើយទេ។
បច្ចុប្បន្ននារីរងគ្រោះបានទៅដាក់ពាក្យបណ្ដឹងនៅប៉ុស្តិ៍នគរបាលសង្កាត់បឹងសាឡាង ខណ្ឌទួលគោក រួចហើយ ៕