Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ប្រញាប់ទៅណា? ជិះម៉ូតូលឿនដូចហោះ ជ្រុលបុករថយន្ត Mercedes បោកផ្ទប់កង់បី PassApp របួសធ្ងន់ខ្លួនឯង!

អានផ្សេងទៀត

ភ្នំពេញៈ​ គ្រោះថ្នាក់ចរាចរណ៍មួយ បានកើតមានឡើង បណ្ដាលឲ្យបុរសម្នាក់​ បានរងរបួសដៃធ្ងន់ធ្ងរ​ ត្រូវបានបញ្ជូនទៅមន្ទីរពេទ្យ​ ក្រោយ​ពេលជិះម៉ូ​តូ​ PCX​​ វ៉ាជែងក្នុងល្បឿនលឿន ជ្រុលចូលគន្លងផ្លូវម្ខាងទៀត ទៅបុកជាមួយ​​រថយន្ត Mercedes និងម៉ូតូកង់បី​ Pass App ក្នុងទិសដៅបញ្ច្រាសគ្នា​​ពេញទំហឹង បង្កឲ្យខូចខាតទាំងសងខាង​។

ហេតុការណ៍គ្រោះថ្នាក់ចរាចរណ៍នេះ​ បានកើតឡើង​កាលពីវេលាម៉ោង៩៖៣០នាទីយប់​ ថ្ងៃសៅរ៍​ ទី២៦​ ខែមករា​ ឆ្នាំ២០១៩​នេះ​ នៅតាមបណ្តោយផ្លូវម៉ៅសេទុង​ ទល់មុខ​សណ្ឋាគារ​ "ឡា​ ផារ៉ានដា​ ភ្នំពេញ​" ជិតស្តុបផ្សារដើមគ សង្កាត់ទួលស្វាយព្រៃទី២​ ខណ្ឌចំការមន​ រាជធានីភ្នំពេញ​។

ប្រភពព័ត៌មានពីកន្លែងកើតហេតុបានប្រាប់អោយដឹងថា​ ៖​ នៅមុនកើតហេតុ​ គេបានឃើញ​ បុរសម្នាក់​ ជិះម៉ូតូមួយគ្រឿង​ ​ម៉ា​ក​ PCX​ ពណ៌ស​ ពាក់ស្លាកលេខភ្នំពេញ ​1HB-0383​ ធ្វើដំណើរតាមបណ្តោយផ្លូវម៉ៅសេទុង​ ក្នុងទិសដៅពីលិចទៅកើត​ ក្នុងល្បឿនលឿន​ ហើយវ៉ាជែងចូលមកគន្លងផ្លូវម្ខាង​ទៀត ចាប់ហ្វ្រាំងមិនទាន់​ ក៏ទៅបុកជាមួយរថយន្តស៊េរីទំនើប​មួយគ្រឿង ម៉ាក Mercedes​ ពណ៍ស​ ពាក់ស្លាកលេខភ្នំពេញ​2AL-8228 បើកបរដោយស្ត្រីជនជាតិចិនម្នាក់ នឹងម៉ូតូកងបី​ Pass App មួយគ្រឿងទៀត​ ក្នុងទិសដៅបញ្ច្រាសគ្នា​​ពេញទំហឹង​ បណ្តាលអោយរងរបួសដៃនិងជើងធ្ងន់ធ្ងរ​ ។

បច្ចុប្បន្នក្រោយកើតហេតុ​ សមត្ថកិច្ចមូលដ្ឋានបានចុះមកមកកន្លែងកើតហេតុ​ រួចរាយការប្រាប់ខាងសមត្ថកិច្ចជំនាញ​ ចុះមកវាស់វែង​ រួចយក​មធ្យោបាយ​យានយន្ត​ ទាំង៣គ្រឿង ទៅរក្សាទុក​នៅការិយាល័យចរាចរណ៍ជើងគោក​ នៃស្នងការនគរបាលរាជធានីភ្នំពេញ​ ដើម្បីរងចាំធ្វើការដោះស្រាយ​គ្នាពេលក្រោយ​ ។ ចំណែកអ្នករបួសត្រូវបានបញ្ជូនទៅមន្ទីរពេទ្យ​ផងដែរ៕

Sponsor