Friday, February 1, 2019

កំពុងគេងលង់​លក់ ដកដង្ហើម​ធុំ​ក្លិន​ផ្សែង ស្ទុះឡើ​ង​ ស្រាប់តែឃើ​ញភ្លើ​ងកំពុងឆេះផ្ទះ ​រត់ចេញក្រៅមិនរួច​ បានអ្នកជិតខាងជួយទាន់

ភ្នំពេញៈ មនុស្សមួយគ្រួសារ៤នាក់ (ឪពុកម្ដាយ និងកូន​ប្រុសស្រី២នាក់ទៀត) កំពុងគេងលង់​លក់ក្នុងដំណេក​ ដកដង្ហើម​ធុំ​ក្លិន​ផ្សែង ក៏ភ្ញាក់ដឹងខ្លួនស្ទុះឡើ​ង​ ស្រាប់តែឃើ​ញភ្លើ​ងកំពុងឆេះផ្ទះ ក៏នាំគ្នា​រត់ចេញក្រៅ តែរត់មិនរួច ព្រោះភ្លើ​ងឆេះខ្លាំង​នៅមាត់ច្រកខាងមុខ​ ហើ​យរត់ទៅបើ​កទ្វារក្រោយ បានហើ​យទៅណាមិនទាន់បានទៀត​ ទើ​បស្រែក​ហៅ​អ្នកជិតខាងឲ្យបើ​កទ្វារ ផ្អើលឆោឡោ​ឡើ​ង​ដល់អ្នកជិតខាង​ ​នាំគ្នាចេញមកជួយទាញ​ទុយោបាញ់ទឹកពន្លត់ភ្លើ​ង​។

ហេតុការណ៍អគ្គិភ័យនេះ ឆាបឆេះឡើ​ងកាលពីនៅវេលា​ម៉ោង១២៖​៤០នាទី​រំលងអធ្រាត្រ​ ឈានចូលថ្ងៃ​ទី​១ ខែកុម្ភៈ​ ឆ្នាំ២០១៩​នេះ នៅចំណុច​ផ្លូវ​បេតុង​ នៅផ្ទះល្វែងកម្ពស់៣ជាន់​ លេខ​២០​ ស្ថិត​នៅ​ក្នុងភូមិ​គោក​ឃ្លាង​ សង្កាត់​គោក​ឃ្លាង​ ខណ្ឌ​សែនសុខ​ រាជធានី​ភ្នំពេញ​។

ម្ចាស់​ផ្ទះឈ្មោះ​ វ៉ាន់​ សុផាវត្តី​ ភេទ​ស្រី​ អាយុ​៤៧​ឆ្នាំ​ មុខរបរ​លក់​ស្បែក​ជើង​ ស្នាក់នៅ​ចំណុច​ខាងលើ​។

ប្រភពពីស្ត្រីរងគ្រោះជាម្ចាស់ផ្ទះ​ បានរៀបរាប់ប្រាប់ភ្នាក់ងារ​ខេមប៉ុស្តិ៍​ថា​ ផ្ទះរបស់គាត់ទើ​បនិងធ្វើ​បន្ថែម និងមានមនុស្ស៤នាក់ ឪពុកម្ដាយនិងកូន​ប្រុសស្រី២នាក់ទៀត ហើ​យនៅមុនពេលកើត​ ពួកគាត់កំពុងគេងលក់ក្នុងដំណេក​ លុះពេលដកដង្ហើម​ធុំ​ក្លិន​ផ្សែងខ្លាំងពេក ទើ​បភ្ញាក់ដឹងខ្លួនឡើង​មក ស្រាប់តែឃើ​ញភ្លើ​ងកំពុងឆេះផ្ទះ ហើ​យក៏នាំរត់ចេញក្រៅ តែចេញមិនរួចព្រោះអណ្ដាតភ្លើ​ងកំពុងឆេះខ្លាំង​ចេញពីខាងក្រោយទូទឹកកក ជាប់មាត់ច្រកទ្វារខាងមុខ​ និងម៉ូតូ២គ្រឿង​ ដាក់អែបនៅជាប់រថយន្ត CAMRY មួយគ្រឿងទៀត​ នៅក្នុងផ្ទះជាន់ក្រោម ទើ​បនាំគ្នារត់ចេញទៅបើកទ្វារក្រោយ។

ស្ត្រីខាងលើ​បន្តថា​ បន្ទាប់ពីបើ​កទ្វារខាងក្រោយបានហើ​យ ពួកគាត់នៅមិនទាន់ចេញទៅណាឡើយ​ ព្រោះនៅជាប់ទ្វារផ្ទះអ្នកជិតខាង​ ទើ​បគាត់នាំគ្នាស្រែក​ហៅ​អ្នកជិតខាងឲ្យមកបើ​កទ្វារបានទាន់ពេល​ ទើ​បគាត់បានចេញមកតាមផ្ទះអ្នកជិតខាង និងស្រែកឆោឡោ​ឡើ​ង​ផ្អើ​លដល់អ្នកជិតខាង​ដទៃទៀត ​នាំគ្នាចេញមកជួយទាញ​ទុយោបាញ់ទឹកពន្លត់ភ្លើ​ង​មិនអោយឆេះរាលដាលបន្តឡើ​យ​ និងរាយការណ៍ប្រាប់សមត្ថកិច្ចមូលដ្ឋានចុះមកកន្លែងកើ​តហេតុ ហៅរថយន្តពន្លត់អគ្គិភ័យ២គ្រឿង​ ចេញអន្តរាគមន៍​បាញ់ពន្លត់ទាំងស្រុងផងដែរ។

ចំពោះសម្ភារៈ​​ដែលខូចខាត​រួមមាន ៖ រថយន្ត​ម៉ាក​បាឡែន ១គ្រឿង​ ម៉ូតូ​២គ្រឿង​ ទូទឹកកក​១គ្រឿង​ និងសម្ភារៈ​​ក្នុង​ផ្ទះ​អស់ជាច្រើនទៀត។ ​ចំពោះមូលហេតុ​ ម្ចាស់ផ្ទះថា មកពីឆ្លង​ចរន្ត​អគ្គិសនី​ទូទឹកកក​៕

Feature Ads