Monday, February 11, 2019

ប្រធាន​អង្គភាព​ប្រឆាំង​អំពើពុករលួយ ៖ បើ​និយាយ ពី​បញ្ហា​មាន ឬ​មិនមាន វា​លឿន​ពេក យើង​មិនមែនជា​កុក​ទេ យើង​ជា​ជុច តែអង្គភាពកំពុងស៊ើបហើយ

​នៅ​ព្រឹក​ថ្ងៃទី​១១ ខែកុម្ភៈ​នេះ លោក​ទេសរដ្ឋមន្ត្រី ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ ​បានថ្លែងប្រាប់អ្នកសារព័ត៌មានថា​ករណី ​លោក ​គីម​ រស្មី ​អតីត​មេបញ្ជាការ​កងរាជ​នអាវុធហត្ថ​ខេត្ត​រតនគីរី​ ដែលទើបនឹងបញ្ចប់តំណែងនេះ ខាងអង្គភាព​ប្រឆាំង​អំពើពុករលួយ​កំពុងតែ​ដំណើរការ​ស៊ើបអង្កេត​ហើយ​ ​ប៉ុន្តែ​ពាក់ព័ន្ធ​ករណី​អ្វី​នោះ​ លោក​នៅ​មិនទាន់​អាច​ប្រាប់លម្អិត​បានទេ​នៅពេលនេះ បើ​និយាយ ពី​បញ្ហា​មាន ឬ​មិនមាន វា​លឿន​ពេក ដោយសារតែ​មិនទាន់​បញ្ចប់​ការស៊ើបអង្កេត​នៅឡើយ​។​

លោកបានបន្ថែមថា ចំពោះ​ការស៊ើបអង្កេត​មុន ឬ​ក្រោយ រឿង​លោក​គីម រស្មី ធ្វើ​ខួបកំណើត​ប្រកាស​ចែក​លុយឲ្យ​កូន​គាត់​៥​នាក់ ក្នុង​ម្នាក់ ១០​ម៉ឺន​ដុល្លារ គឺ​លោក​សុំ​រក្សា​សិទ្ធិ ពីព្រោះ​វា​ជាការ​សម្ងាត់​នៃ​ការស៊ើបអង្កេត​ទាក់ទង​រឿង​ពេលវេលា បានន័យថា “​យើង​មិនមែនជា​កុក​ទេ យើង​ជា​ជុច​”​។​

Feature Ads