បន្ទាយមានជ័យៈ មានហេតុការណ៍ភ្ញាក់ផ្អើលមួយបានកើតឡើង ខណៈមានគេដាក់គ្រាប់បែកនៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។
ប្រភពបានរាយការណ៍ព័ត៌មានបឋម ថា នៅវេលាម៉ោង៥ និង៣០នាទី ថ្ងៃទី១០ ខែកុម្ភៈ ឆ្នាំ២០១៩ នៅច្រកទ្វារអន្តរជាតិប៉ោយប៉ែត មានការភ្ញាក់ផ្អើលដល់ប្រជាពលរដ្ឋធ្វើដំណើរតាមផ្លូវ ៖ ថា មានគេដាក់" គ្រាប់បែក " នៅ មុខ កាស៊ីណូ ១ នៅច្រក ទ្វារអន្តរជាតិ ប៉ោយប៉ែត កម្ពុជា-ថៃ ស្ថិតនៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចជំនាញបានចុះពិនិត្យដល់កន្លែងកើតហេតុ និងមិនទាន់អាចផ្តល់ព័ត៌មានដល់អ្នកកាសែតនៅឡើយទេ ទាក់ទងករណីមួយនេះ ៕
ផ្ដល់សិទ្ធិដោយ៖ campost.news