Thursday, February 7, 2019

ក្រោយទទួលការបកអាក្រាតពីមេបក្សខ្មែរក្រោក និងរិះគន់រួចមក លោកផ្កាយ៤ថា គ្មានច្បាប់ណាចែងថា មិនឲ្យយកខ្សែបក្ខពួកចូលធ្វើការទេ

ករណីនាយ​ឧត្តមសេនីយ៍​ផ្កាយ ៤ ​លោក​ ធឹម សុផា ​អគ្គនាយក​នៃ​អគ្គនាយកដ្ឋាន​សវនកម្ម​ផ្ទៃក្នុងនៃ​ក្រសួង​មហាផ្ទៃ ដែលឯកឧត្តម សុខ សុវណ្ណវឌ្ឍនាសាប៊ុង (វិល្លាម) ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ក្នុងតួនាទីជាទីប្រឹក្សារដ្ឋាភិបាល បានបកអាក្រាតថាបាននាំ​កេណ្ឌ​សែស្រឡាយ​បក្ខពួក​គ្រួសារ​និយម​ រហូត​ដល់​ជាង​ ២០ ​នាក់​ឲ្យមកកាន់​តួនាទី​នៅក្នុង​អគ្គនាយកដ្ឋាន​សវ​នកម្ម​ រហូតឈានដល់ការចាត់វិធានការ​ច្បាប់នោះ ត្រូវបាន ​លោក​ ធឹម សុផា ​ចាត់ទុកថា ​ជាការមួលបង្កាច់​ និង​ជាការបំពុល​សង្គម ដោយជាការរិះគន់​ដោយគ្មាន​មូលដ្ឋាន​ច្បាស់លាស់​ និង​មិនត្រឹមត្រូវ​។

បុគ្គលដែលជាប់ទាក់ទងនឹងលោក ធឹម សុផា

ហើយលោក​បញ្ជាក់​បន្ថែមទៀតថា​៖ «វា​មិន​មាន​ច្បាប់​ណា​ដែលចែង​ថា​ មិនឲ្យ​យក​សែលោ​ហិត​ចូល​ធ្វើការ​ទេ។ វា​ជាការមួល​បង្កាច់។ ​ព័ត៌​មាន​យ៉ាង​ដូច្នេះ​យូរទៅ​វានឹង​សាប​ដោយសារតែ​ពាក្យ​វា​មិនពិត​ហើយ​មិនគួរ​ប្រើ​បំពុល​សង្គម​ដូច្នេះ​ទេ»។
តាមរយ:ការឆ្លើយតប របស់ លោក​ ធឹម សុផា ខាងលើនេះ ឯកឧត្តម សុខ សុវណ្ណវឌ្ឍនាសាប៊ុង (វិល្លាម) នៅតែចាត់ទុកថាពុំមានប្រសិទ្ធភាពដោយថាចោរពុំដែលសារភាពថាខ្លួនចោរឡេីយ។
ឯកឧត្តម សង្កត់ធ្ងន់បន្ថែមថា សំខាន់ឥឡូវក្រសួងមហាផ្ទៃបានបេីកស្រាវជ្រាវស៊េីបអង្កេតហេីយ ។ សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ពីគណបក្សខ្មែរក្រោក និងបន្តតាមដានការស្រាវជ្រាវនោះថែមទៀត ដេីម្បីធានានូវភាពសុក្រឹត្យ ប្រសិនជាការស្រាវជ្រាវនោះបានលទ្ធផលផ្ទុយពីការទាត់ចោលរបស់លោក នោះបានន័យថាលោកមាន ចេតនា យ៉ាងប្រាកដ ។
ឯកឧត្តម សុខ សុវណ្ណវឌ្ឍនាសាប៊ុង និងអនុប្រធានបក្សខ្មែរក្រោក

Feature Ads