Thursday, February 28, 2019

សម្តេចតេជោជំរុញឱ្យពិនិត្យមើល បញ្ហាបក្ខពួកនិយម តបការស្នេីរបស់ ឯកឧត្តម វិល្លាម ស្ដីពីរឿង​លោក ផ្កាយ៤ ធឹម សុផា

ថ្លែងនៅក្នុងសន្និសីទសារព័ត៌មាន​ ស្តីពីលទ្ធផលប្រជុំជាមួយសមាជិកឧត្តមក្រុមប្រឹក្សាពិគ្រោះ និងផ្តល់យោបល់ លោក ឈឹម ផលវរុណ អគ្គលេខាធិការឧត្តមក្រុមប្រឹក្សាពិគ្រោះ និងផ្តល់យោបល់ បានឲ្យដឹងថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានជំរុញឱ្យក្រសួងមហាផ្ទៃ និងក្រសួងស្ថាប័នទាំងអស់ ត្រូវពិនិត្យបញ្ហាបក្ខពួកនិយម នៅតាមអង្គភាពចំណុះរបស់ខ្លួន និងត្រូវជ្រើសរើសមន្រ្តីរាជការ ដោយផ្អែកលើស្នាដៃ និងសមត្ថភាពពិតប្រាកដ តបតាមការស្នើរបស់ ឯកឧត្តម វិល្លាម ប្រធានគណបក្សខ្មែរក្រោក។

ទាក់ទងនឹងបញ្ហានេះសម្តេចតេជោ ហ៊ុន​ សែន តែងតែបានលើកនូវភស្តុតាងជាក់ស្តែងដែលធ្លាប់កើតមាន រួចមកហើយនៅនៅក្នុងកិច្ចប្រជុំ គណៈរដ្ឋមន្ត្រីកាលពីលើកមុនៗ ដោយមានប្រសាសន៍ហាមដាច់ខាតមិនឱ្យយកក្រុមគ្រួសារ ឬបក្ខពួករបស់ខ្លួន ដែលគ្មានសមត្ថភាពចូលមកបម្រើការនៅក្នុងស្ថាប័ន ដោយមិនឆ្លងកាត់ការប្រឡងនោះទេ។

សូមជម្រាបជូនផងដែរថា លទ្ធផលធំ៤ ដែលសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោក ទទួលបានក្នងកិច្ចប្រជុំប្រចាំឆមាស ក្រោមអធិបតីភាពសម្ដេចតេជោ ខណៈដែលមានការភ្ជាប់វីឌីអូ conference ទៅគ្រប់ខេត្តក្រុងនិងយោធាទាំងអស់ ហេីយសម្ដេចបានបញ្ជាផ្ទាល់ភ្លាមៗតែម្ដងនេះគឺមាន៖

ទី១ ប្រតិភូគណបក្សខ្មែរក្រោកបានលេីកពីការសោកស្ដាយចំពោះលទ្ធផលប្រេីហឹង្សានៅក្នុងការចុះអនុវត្តន៍សាលដីកាខុសច្បាប់នៅយកដីរដ្ឋនៅ ភូមិគគី ឃុំបិតត្រាង ស្រុកព្រៃនប់ ខេត្ត ព្រះសីហនុ ដែលមានពាក់ព័ន្ធផលប្រយោជន៍អ្នកធំគ្រាក់ៗ ជាពិេសប្រតិភូបក្សស្នេីអោយចាត់វិធានការច្បាប់លេីលេីឈ្មះ មិញ ឡេង ដែលយកអេស្កាវាទ័រដាក់ឃាំងក្បួនប្រតិភូបក្ស

« បញ្ហានេះសម្ដេចតេជោបានឆ្លេីយតបភ្លាមថាលោកក៏បានសោកស្ដាយចំពោះបញ្ហាអនវត្តន៍សាលដីកាខុសច្បាប់នៅក្រុងព្រះសីហនុ ហេីយលោកបញ្ជាផ្ទាល់អោយពិនិត្យដកមេបញ្ជាការយោធាខេត្តព្រះសីហនុពីតំណែង» ដោយឡែកសម្ដេចតេជោក៏គម្រាមដកដំណែងចោលអភិបាលរងខេត្តព្រះសីហនុមួយចំនួនបេីនៅតែពាក់ព័ន្ធនឹងបញ្ហាដីធ្លី ។


ទី២ ប្រតិភូគណបក្សខ្មែរក្រោកបានលេីកពីបញ្ហាគ្រួសារនិយមក្នុងអគ្គនាយកដ្ឋានសវនកម្មផ្ទៃក្នុងលោក ធឹម សុផា ដែលសណ្ដោងបងប្អូនកូនក្មួយ២២នាក់មកនៅធ្វេីការក្រោមនាយកដ្ឋានតែមួយ

«បញ្ហានេះសម្ដេចតេជោ ថាវាជាការខុសឆ្គង បេីសិនមានករណីនេះក្នុងនាយកដ្ឋានតែមួយ តែមានចំណុចខ្លះដែលត្រូវលេីកលែង ប្រសិនជាបញ្ហានោះវាកេីតពីការស្រលាញ់គ្នារបស់កូនៗ បានភ្ជាប់សាច់ឈាមគ្នា»


ទី៣ ប្រតិភូគណបក្សខ្មែរក្រោកបានលេីកពីបញ្ហាការរំលោភយកចំការស្រល់របស់អតីតព្រះមហាវីរក្សត្រនៅខេត្តមណ្ឌលគីរី

«បញ្ហានេះសម្ដេចតេជោបានហៅតាមអតីតបាលខេត្តអោយបានទទួលដឹងលឺ»


ទី៤ ប្រតិភូគណបក្សខ្មែរក្រោកបានលេីកពីបញ្ហាដំណោះស្រាយលេីផលកសិកម្មដែលគ្មានទីផ្សាជាពិសេសបញ្ហាកង្វះខាតទឹកខណៈភាពរាំងស្ងួតមកដល់នាពេលខាងមុខដោយសាររលក់កំដៅនិងឡេីងពីចន្លោះ ៤០អង្សា ទៅ ៥០អង្សា

«បញ្ហានេះសម្ដេចតេជោបានបញ្ជាផ្ទាល់ទៅគ្រប់ខេត្តក្រុងអោយដោះស្រាយបញ្ហាប្រភពទឹកដល់កសិករតែម្ដង»

Feature Ads