ភ្នំពេញៈ នៅព្រឹកថ្ងៃទី១៣ ខែកុម្ភៈ ឆ្នាំ២០១៩នេះ លោកវរសេនីយ៍ឯក ប៊ុន សន្យា នាយការិយាល័យនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ បានធ្វើការបង្ហាញមុខក្រុមជនសង្ស័យចំនួន៧នាក់ ដែលពាក់ព័ន្ធនឹងករណីប្លន់យកម៉ូតូ និងឆក់ទ្រព្យសម្បត្តិរបស់បងប្អូនប្រជាពលរដ្ឋកាលពីពេលថ្មីៗនេះ។
លោកវរសេនីយ៍ឯក ប៊ុន សន្យា បានប្រាប់ ឲ្យដឹងថា ដោយមានការចង្អុលបង្ហាញពីលោក ឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ លោកឧត្តមសេនីយ៍ទោ សុង លី ស្នងការរងទទួលផែនការងារនគរបាលព្រហ្មទណ្ឌ និងមានការសម្របសម្រួលពីលោក ប្លង់ សុផល ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ។
លោក ប៊ុន សន្យា បានប្រាប់ថា ដោយនៅថ្ងៃទី១០ និងថ្ងៃទី១១ ខែកុម្ភៈ ឆ្នាំ២០១៩ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ បានសហការជាមួយកម្លាំងអធិការដ្ឋាននគរបាលខណ្ឌច្បារអំពៅ និងកម្លាំងអធិការដ្ឋាននគរបាលខណ្ឌមានជ័យ បានបើកការស្រាវជ្រាវរហូតឈានដល់ការកំណត់មុខសញ្ញា និងឃាត់ខ្លួនបានជនសង្ស័យជាបន្តបន្ទាប់ចំនួន ៧នាក់ ដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ប្លន់យកម៉ូតូ និងឆក់ទ្រព្យសម្បត្តិ) ពីប្រជាពលរដ្ឋចំនួន ១៥ករណីរួចមាន៖
ករណីទី១-អំពើលួចមានស្ថានទម្ងន់ទោសដោយសារការប្រើអំពើហិង្សា (ធាក់ប្លន់យកម៉ូតូមិនបានសំរេច បណ្តាលឲ្យជនរងគ្រោះដួលម៉ូតូរងរបួស) នៅចំណុចមុខផ្ទះគ្មានលេខ ផ្លូវលេខ៣៦៩ ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ កាលពីថ្ងៃទី១០ ខែកុម្ភៈ ឆ្នាំ២០១៩ វេលាម៉ោង ២និង៣០នាទីរំលងអធ្រាត។ ចំណែកឯជនរងគ្រោះឈ្មោះ អ៊ុ ថុន ភេទប្រុស អាយុ ៣៩ឆ្នាំ ជនជាតិខ្មែរ មុខរបរ បុគ្គលិកកាស៊ីណូណាហ្គា (បណ្តាលឲ្យរងរបួសលើផ្ទៃមុខ ដៃ និងជង្គង់) ស្នាក់នៅផ្ទះគ្មានលេខ ផ្លូវលេខ៣៦៩ ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
ករណីទី២-អំពើលួចមានស្ថានទម្ងន់ទោស (យកអាវុធខ្លីម៉ាក BERETTA លេខPZ18298 ប្រើហ្គាសបាញ់គ្រាប់ឃ្លីកង់ភ្ជង់យកម៉ូតូ) ចំណុចក្រោមស្ពានព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃទី៣១ ខែធ្នូ ឆ្នាំ២០១៨ វេលាម៉ោង ៤និង៣០ នាទីទៀបភ្លឺ។ ជនរងគ្រោះឈ្មោះ ណុប បូរាណ ភេទប្រុស អាយុ ៣០ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន ស្នាក់នៅភូមិលេខ២ ឃុំស្វាយរលំ ស្រុកកៀនស្វាយ ខេត្តកណ្តាល សម្ភារៈបាត់បង់រួមមានម៉ូតូម៉ាកហុងដាសេ១២៥ សេរីឆ្នាំ២០១៧ ពាក់ស្លាកលេខ ភ្នំពេញ 1GN-3204។
ករណីទី៣-អំពើលួចមានស្ថានទម្ងន់ទោស (យកអាវុធខ្លីម៉ាក BERETTA លេខ PZ18298 ប្រើហ្គាសបាញ់គ្រាប់ឃ្លីកង់ភ្ជង់យកម៉ូតូមិនបានសំរេច) នៅចំណុចតាមបណ្តោយវិថីឈ្នះឈ្មះ ភូមិកប់ស្រូវធំ សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីថ្ងៃទី០៦ ខែកុម្ភៈ ឆ្នាំ២០១៩ វេលាម៉ោង ៣និង០០នាទីទៀបភ្លឺ។
ករណីទី៤-អំពើលួចមានស្ថានទម្ងន់ទោស (យកអាវុធខ្លីម៉ាក BERETTA លេខ PZ18298 ប្រើហ្គាសបាញ់គ្រាប់ឃ្លីកង់ភ្ជង់យកម៉ូតូ) នៅចំណុចជិតវត្តកោះក្របី ផ្លូវលំ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ នៅថ្ងៃទី០៦ ខែមករា ឆ្នាំ២០១៩ វេលាម៉ោងប្រហែល ២និង៣០នាទីទៀបភ្លឺ។
ករណីទី៥-អំពើលួចមានស្ថានទម្ងន់ទោស (ឆក់ទូរសព្ទ័ដៃម៉ាក IPhone X ពណ៌ ខ្មៅ) នៅចំណុចមុខផ្ទះលេខ៧៤១ ផ្លូវព្រះមុន្នីវង្ស ក្រុម១០ ភូមិ៣ សង្កាត់បឹងត្របែក ខណ្ឌចំការមន រាជធានីភ្នំពេញ កាលពីថ្ងៃទី១១ ខែកុម្ភៈ ឆ្នាំ២០១៩ វេលាម៉ោង ១១និង៤៥នាទីយប់។ ជនរងគ្រោះឈ្មោះ សួន ហុក ភេទប្រុស អាយុ ២៧ឆ្នាំ ជនជាតិសិង្ហបូរី កាន់លិខិតឆ្លងដែនលេខ E5594154F មុខរបរ អ្នកគ្រប់គ្រង ស្នាក់នៅផ្ទះជួលលេខ ៤៧អឺ០ ផ្លូវលេខ២៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ សម្ភារៈបាត់បង់រួមមាន ទូរសព្ទ័ដៃម៉ាក IPhone X ពណ៌ខ្មៅ ចំនួន មួយគ្រឿង។
ករណីទី៦-អំពើលួចមានស្ថានទម្ងន់ទោស(ឆក់ទូរស័ព្ទដៃ) ស្ថិតនៅចំណុចមុខផ្សារទួលទំពូង ផ្លូវលេខ១៦៣ សង្កាត់ទួលទំពូង១ ខណ្ឌចំការមន រាជធានីភ្នំពេញ កាលពីថ្ងៃទី០៤ ខែធ្នូ ឆ្នាំ២០១៨ វេលាម៉ោង ៧និង៣៤នាទីយប់។
ករណីទី៧-អំពើលួចមានស្ថានទម្ងន់ទោស (ឆក់ទូរសព្ទ័ដៃម៉ាក IPhone 6Plus ពណ៌ខ្មៅ) នៅចំណុចចំហៀងទូរគមនាគមន៍កម្ពុជា ផ្លូវព្រះសីហនុ មណ្ឌល១ សង្កាត់បឹងព្រលឹត ខណ្ឌ៧មករា រាជធានីភ្នំពេញ កាលពីថ្ងៃទី០៣ ខែមករា ឆ្នាំ២០១៩ វេលាម៉ោង ៨និង៣០នាទីយប់។
ករណីទី៨-អំពើលួចមានស្ថានទម្ងន់ទោស(ឆក់យកទូរស័ព្ទដៃម៉ាក Oppo F9 ពណ៌ក្រហម) ស្ថិតនៅចំណុចស្តុបបូកគោ ផ្លូវព្រះមុន្នីវង្ស សង្កាត់បឹងកេងកង១ ខណ្ឌចំការមន រាជធានីភ្នំពេញ កាលពីថ្ងៃទី១៦ ខែធ្នូ ឆ្នាំ២០១៨ វេលាម៉ោង ៩និង០០នាទីយប់។
ករណីទី៩- អំពើលួចមានស្ថានទម្ងន់ទោស(ទូរស័ព្ទដៃ ម៉ាក Oppo F7) នៅចំណុចក្រោយព្រះបរមរាជវាំង ផ្លូវលេខ១៩ សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលពីថ្ងៃទី០៨ ខែធ្នូ ឆ្នាំ២០១៨ វេលាម៉ោង ៩និង០០នាទីយប់។
ករណីទី១០-អំពើលួចមានស្ថានទម្ងន់ទោស (ទូរស័ព្ទដៃ ម៉ាក Vivo ពណ៌ខ្មៅ) នៅចំណុចផ្សារអ៊ីនអន ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី០១ ខែធ្នូ ឆ្នាំ២០១៨ វេលាម៉ោង ១០និង០០នាទីយប់។
ករណីទី១១-អំពើលួចមានស្ថានទម្ងន់ទោស (ទូរស័ព្ទដៃ ម៉ាក Iphone 6plus ពណ៌ខ្មៅ) នៅចំណុចផ្សារអ៊ីនអន ផ្លូវសប៊ិត សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី១១ ខែវិច្ឆិកា ឆ្នាំ២០១៨ វេលាម៉ោង ៩និង៣០នាទីយប់។
ករណីទី១២-អំពើលួចមានស្ថានទម្ងន់ទោស(ទូរស័ព្ទដៃ ម៉ាក Iphone 6plus ពណ៌ស) នៅចំណុចស្ថានទូតបារាំង ផ្លូវព្រះមុន្នីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី២៣ ខែមករា ឆ្នាំ២០១៩ វេលាម៉ោង ៨និង៣០នាទីយប់។
ករណីទី១៣-អំពើលួចមានស្ថានទម្ងន់ទោស (ទូរស័ព្ទដៃ ម៉ាក Oppo F7 ពណ៌មិនចាំ) កាលពីថ្ងៃទី១២ ខែធ្នូ ឆ្នាំ២០១៨ វេលាម៉ោង ១០និង០០នាទីយប់។
ករណីទី១៤-អំពើលួចមានស្ថានទម្ងន់ទោស (ទូរស័ព្ទដៃ ម៉ាក Iphone 6plus ពណ៌ស) នៅចំណុច ភ្លើងស្តុប ៤២ជាន់ ផ្លូវព្រះមុន្នីវង្សកែង ផ្លូវព្រះសីហនុ សង្កាត់បឹងព្រលឹត ខណ្ឌ៧មករា រាជធានីភ្នំពេញ កាលពីថ្ងៃទី១៤ ខែវិច្ឆិកា ឆ្នាំ២០១៨ វេលាម៉ោង ៩និង៣០នាទីយប់។
ករណីទី១៥-អំពើលួចមានស្ថានទម្ងន់ទោស (ឆក់យកទូរស័ព្ទដៃ ម៉ាក Vivo ពណ៌ខ្មៅ) ចំណុចចំហៀងសាលាទួលទំពូង ផ្លូវលេខ៤៣២ សង្កាត់ទួលទំពូង ខណ្ឌចំការមន រាជធានីភ្នំពេញ កាលពីថ្ងៃទី០៧ ខែវិច្ឆិកា ឆ្នាំ២០១៨ វេលាម៉ោង ៨និង៣០នាទីយប់។
លោក ប៊ុន សន្យា បានបន្តទៀតថា ជនសង្ស័យទាំង ៧នាក់ខាងលើនេះ ទី១-ឈ្មោះ មឿន កក្កដា ភេទប្រុស អាយុ ២០ឆ្នាំ ជនជាតិខ្មែរ មុខរបរ និស្សិតឆ្នាំទី២ នៃវិទ្យាស្ថានបច្ចេកទេសព្រះកុសមៈ ស្នាក់នៅផ្ទះគ្មានលេខ ផ្លូវលំ ភូមិចុងព្រែក សង្កាត់ព្រែកឯងខណ្ឌច្បារអំពៅ រាជធានីភ្នំពេញ ដោយឃាត់ខ្លួនថ្ងៃទី១០ ខែកុម្ភៈ ឆ្នាំ២០១៩ វេលាម៉ោង ២និង៣០នាទីរសៀល នៅចំណុចផ្លូវរោងចក្រថៃហ្គ័រ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ, ។ ទី២-ឈ្មោះ ផាត់ ដារ៉ាវីត ភេទប្រុស អាយុ ១៧ឆ្នាំ ជនជាតិខ្មែរ មុខរបរ សិស្សថ្នាក់ទី១១ នៃ វិទ្យាល័យព្រែកឯង ស្នាក់នៅផ្ទះគ្មានលេខ ផ្លូវលំ ភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ឃាត់ខ្លួនថ្ងៃទី១០ ខែកុម្ភៈ ឆ្នាំ២០១៩ វេលាម៉ោង ២និង៣០នាទីរសៀល នៅចំណុចផ្លូវរោងចក្រថៃហ្គ័រ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ,។ ទី៣-ឈ្មោះ ឡេះ ហ្វាហ្វី ហៅហ្វី ភេទប្រុស អាយុ ២១ឆ្នាំ ជនជាតិខ្មែរ មុខរបរ កម្មកររោងចក្រស្រាបៀរថៃហ្គ័រ ស្នាក់នៅផ្ទះគ្មានលេខ ផ្លូវលំ ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ឃាត់ខ្លួនថ្ងៃទី១០ ខែកុម្ភៈ ឆ្នាំ២០១៩ វេលាម៉ោង ៧និង៣០នាទី នៅចំណុចផ្ទះគ្មានលេខ ផ្លូវលំ ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ,។ ទី៤-ឈ្មោះ មិត្ត តៃម៉ូ ហៅម៉ូ ភេទប្រុស អាយុ ១៩ឆ្នាំ ជនជាតិខ្មែរ មុខរបរ បុគ្គលិកធនាគារក្រេប៉ូ (គ្រួសាររីករាយ) ស្នាក់នៅបន្ទប់ជួលផ្ទះលេខ ៥៤៦ ផ្លូវលេខ ៣៧១ ភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ ឃាត់ខ្លួនថ្ងៃទី១០ ខែកុម្ភៈ ឆ្នាំ២០១៩ វេលាម៉ោង ១០និង ០០នាទីយប់ នៅចំណុចបន្ទប់ជួលផ្ទះលេខ៥៤៦ ផ្លូវលេខ៣៧១ ភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ,។ ទី៥-ឈ្មោះ សឿន សានវិសុខ ភេទប្រុស អាយុ ២១ឆ្នាំ ជនជាតិខ្មែរ មុខរបរ បុគ្គលិកមជ្ឈមណ្ឌលកំសាន្តរ៉ុក ស្នាក់នៅផ្ទះជួលគ្មានលេខ ផ្លូវលំ សង្កាត់បឹងទំពុន១ ខណ្ឌមានជ័យ រាជធានីភ្នំពេញ ឃាត់ខ្លួននៅថ្ងៃទី១១ ខែកុម្ភៈ ឆ្នាំ២០១៩ វេលាម៉ោង ១១និង ៣០នាទីព្រឹក នៅចំណុចផ្ទះជួលគ្មានលេខ ផ្លូវលំ សង្កាត់បឹងទំពុន១ ខណ្ឌមានជ័យ រាជធានីភ្នំពេញ,។ ទី៦-ឈ្មោះ ញឹម សុវណ្ណារ៉ូ ភេទប្រុស អាយុ ១៦ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវលំ ភូមិស្វាយរលំ ឃុំស្វាយរលំ ស្រុកស្អាង ខេត្កកណ្តាល ឃាត់ខ្លួនថ្ងៃទី១១ ខែកុម្ភៈ ឆ្នាំ២០១៩ វេលាម៉ោង ១១និង៣០នាទីព្រឹក នៅចំណុចផ្ទះជួលគ្មានលេខ ផ្លូវលំ សង្កាត់បឹងទំពុន១ ខណ្ឌមានជ័យ រាជធានីភ្នំពេញ។ ទី៧-ឈ្មោះ ស៊ុន សុភក្រ្តា ភេទប្រុស អាយុ ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះគ្មានលេខ ផ្លូវលំ ភូមិចំរើនផល សង្កាត់បឹងទំពុន១ ខណ្ឌមានជ័យ រាជធានីភ្នំពេញ ឃាត់ខ្លួនថ្ងៃទី១២ ខែកុម្ភៈ ឆ្នាំ២០១៩ វេលាម៉ោង ១២និង១០នាទីយប់រំលងអាធ្រាត នៅចំណុចផ្ទះភូមិច្រាំងបាក់ សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ។
ចំណែកឯវត្ថុតាងចាប់យករួមមានៈ ម៉ូតូម៉ាក ហុងដាប៊ិត ពណ៌ផ្កាឈូក សេរីឆ្នាំ២០១៧ លេខតួ 9001639 លេខម៉ាស៊ីន 9001798 ពាក់ស្លាកលេខ ភ្នំពេញ 1GQ-7211 ចាប់យកពីឈ្មោះ មឿន កក្កដា, ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៣ លេខតួ-លេខម៉ាស៊ីន 8866462 ពាក់ស្លាកលេខ កណ្តាល 1O-7026 ចាប់យកពីឈ្មោះ មិត្ត តៃម៉ូ ហៅម៉ូ អាវុធខ្លីម៉ាក BERETTA លេខ 18298 ចំនួន មួយដើម ប្រើហ្គាសបាញ់គ្រាប់ឃ្លីកង់ គ្មានបង់ ចំនួន មួយដើម ចាប់យកពីឈ្មោះ សឿន សានវិសុខ, ម៉ូតូម៉ាកហុងដាសេ១២៥ សេរីឆ្នាំ ២០១៩ លេខតួ-លេខម៉ាស៊ីន 5373971 ពាក់ស្លាកលេខ ភ្នំពេញ 1HI-3745 ចាប់យកពីឈ្មោះ ស៊ុន សុភក្រ្តា, ម៉ូតូម៉ាកហុងដាសេ១២៥ សេរីឆ្នាំ ២០១៨ លេខតួ-លេខម៉ាស៊ីន 5247579 ពាក់ស្លាកលេខ តាកែវ 1P-7960 ចាប់យកពីឈ្មោះ ស៊ុន សុភក្រ្តា។
បច្ចុប្បន្នជនសង្ស័យ និងវត្ថុតាងខាងលើ ត្រូចកម្លាំងជំនាញការិយាល័យកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕