ភ្នំពេញៈ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដឹកនាំកម្លាំងចម្រុះ បើកប្រតិបត្តិការលក្ខណៈទ្រុងទ្រាយធំ ឆ្មក់ឆែកឆេរ តាមបន្ទប់ក្នុងមជ្ឈមណ្ឌលកម្សាន្តរ៉ក Rock នៅផ្លូវព្រះមុន្នីវង្ស សង្កាត់ទន្លេបាសាក់ ខណ្ឌចំការមន នាវេលាម៉ោង២៖៣០នាទីទៀបភ្លឺ ឈានចូលថ្ងៃសៅរិ៍ ទី២៣ ខែកុម្ភៈ ឆ្នាំ២០១៩នេះ។
តួលេខបឋមរបស់សមត្ថកិច្ច មនុស្សប្រុសស្រីជាង២០០នាក់ ត្រូវបានឃាត់ខ្លួន ដកហូតថ្នាំញៀនតាមបន្ទប់គ្រប់ប្រភេទ (មានគ្រាប់ មានម៉្សៅ មានប្រភេទក្រាម -ល-) ជាច្រើនកញ្ចប់ និងមិនទាន់ដឹងចំនួន រួមទាំងឧបករណ៍សម្រាប់ប្រើប្រាស់ជាច្រើនទៀត បញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីសាកសួរអត្តសញ្ញាណ និងរង់ចាំបន្តនីតិវិធី និងបង្ហាញមុខតាមរយៈការធ្វើសន្និសីទកាសែត នៅព្រឹកនេះ។
