ភ្នំពេញៈ ក្រោយពីឧត្តមសេនីយ៍ឯក ស ថេត ដឹកនាំកម្លាំងចម្រុះ បើកប្រតិបត្តិការលក្ខណៈទ្រុងទ្រាយធំ ឆ្មក់ឆែកឆេរ តាមបន្ទប់ក្នុងមជ្ឈមណ្ឌលកម្សាន្តរ៉ក Rock នៅផ្លូវព្រះមុន្នីវង្ស សង្កាត់ទន្លេបាសាក់ ខណ្ឌចំការមន នាវេលាម៉ោង២៖៣០នាទីទៀបភ្លឺ ឈានចូលថ្ងៃសៅរិ៍ ទី២៣ ខែកុម្ភៈ ឆ្នាំ២០១៩នេះ ឃាត់ខ្លួនបានមនុស្សប្រុសស្រីជាង៣០០នាក់ និង ដកហូតថ្នាំញៀនតាមបន្ទប់គ្រប់ប្រភេទ (មានគ្រាប់ មានម៉្សៅ មានប្រភេទក្រាម -ល-) ជាច្រើនកញ្ចប់ ភ្លាមនោះឯកឧត្តម សុខ សុវណ្ណវឌ្ឍនាសាប៊ុង (វិល្លាម) បានសុំនូមពរឲ្យអាជ្ញាធរពាក់ព័ន្ធបិទ មជ្ឈមណ្ឌល Rock នេះជាបណ្ដោះអាសន្ន និងអនុវត្តន៍លេីកិច្ចសន្យាដែលលោកឧកញ៉ា គិតធាង ធ្លាប់បានសន្យាជាលាយល័ក្ខអក្សរថាមិនអនុញ្ញាត្តិអោយមានការចរាចរណ៍គ្រឿងញៀនឡេីយក្នុងមជ្ឈមណ្ឌល Rock នេះឡេីយ ។
ជាមួយគ្នានេះដែរ លោកក៏បានសម្ដែងការសាទរចំពោះយុទ្ធនាការបង្ក្រាបគ្រឿងញៀន ទ្រង់ទ្រាយធំ និងចាប់ជនពាក់ព័ន្ធនៅមជ្ឈមណ្ឌល Rock ដែលគេដឹងគ្រប់គ្នាថាជាសំបុកគ្រឿងញៀនចំកណ្ដាលបេះដូងរាជធានីភ្នំពេញ។
សូមជម្រាបជូនថា អាជីវកម្មខារ៉ាអូខេ PRO KTV ស្ថិតតាមបណ្តោយមហាវិថីព្រះមុនីវង្ស ផ្ទះលេខ៧៥៧ និង៧៥៨ ស្ថិតនៅក្រុម២៦ ភូមិ៧ សង្កាត់បឹងត្របែក ខណ្ឌចំការមន រាជធានីភ្នំពេញ ត្រូវអាជ្ញាធរសម្រេចបិទទីតាំង មិនឲ្យបើកដំណើរការអាជីវកម្មប្រភេទនេះទៀតឡើយ បន្ទាប់ពីកម្លាំងនគរបាលមន្ទីរប្រឆាំងគ្រឿងញៀន ចុះបង្ក្រាប និងឃាត់ខ្លួនជនសង្ស័យ៥៨នាក់ ជាមួយនឹងថ្នាំញៀនមួយចំនួន។