ក្រចេះ៖ មនុស្សរាប់ម៉ឺននាក់ សប្បាយរីករាយយ៉ាងខ្លាំង នៅពេលមេឃបង្ហុរទឹកភ្លៀងមួយមេ មកលើផែនដី ព្រោះថា អាកាសធាតុក្តៅពេក។ ប៉ុន្តែមនុស្សពីរគ្រួសារ ត្រូវបង្ហូរទឹកភ្នែកដោយសារន្ទះឥតប្រណី បានបាញ់ទម្លុះក្បឿង បណ្ដាលឲ្យស្លាប់សមាជិកគ្រួសារពីរនាក់ ក្នុង២ករណីផ្សេង។
ករណីទី១ នៅវេលាម៉ោង៦៖២០នាទីល្ងាច ថ្ងៃទី២៣ ខែមីនា ឆ្នាំ២០១៩ នៅចំណុចប៉ោភូមិ ឃុំគ្រញ៉ូងសែនជ័យ ស្រុកស្នួល ខេត្តក្រចេះ ភ្លើងខ្យល់កន្ត្រាក់មួយមេធំ បង្កឲ្យមានរន្ទះបាញ់ បណ្ដាលឲ្យស្លាប់មនុស្សម្នាក់ និងរងរបួសម្នាក់ ខណៈជនរងគ្រោះនៅក្នុងផ្ទះចម្ការរបស់ខ្លួន។
ជនរងគ្រោះ ដែលស្លាប់ឈ្មោះ ទ្រី ភ័ក្រ្ក ភេទប្រុស អាយុ២៦ឆ្នាំ។
ករណីទី២ នៅវេលាម៉ោង៦៖៣៥នាទីយប់ថ្ងៃទី២៣ ខែមីនា ឆ្នាំ២០១៩ នៅចំណុចភូមិគ្រង ឃុំស្នួល ស្រុកស្នួល ខេត្តក្រចេះ មានករណីភ្លៀង និងលាយខ្យល់កន្ទ្រាក់ បង្កជារន្ទះបាញ់សម្លាប់មនុស្សម្នាក់ ខណៈកំពុងឈរលើគ្រែក្រោមផ្ទះ ហូបទឹក បន្ទាប់ពីហូបបាយរួច បណ្ដាលឲ្យធ្លាក់ពីលើគ្រែស្លាប់ភ្លាមៗតែម្ដង។
ជនរងគ្រោះឈ្មោះ ជ្រីន កូមីន ភេទប្រុស អាយុ១៦ឆ្នាំ៕
ផ្ដល់សិទ្ធិដោយ៖ campost.news