Page Nav

HIDE

Grid

GRID_STYLE

Recent in Sports

FALSE

Classic Header

{fbt_classic_header}

Top Ad

Sponsor Sponsor

ផ្ទុះអាវុធ​២​គ្រាប់​ ក្នុងវត្តឫស្សីស្រស់​ ធ្វើ​ឲ្យព្រះសង្ឃ និងតាជីយាយជី ភិតភ័យ​ញាប់ញ័រ​ ទាំងយប់

អានផ្សេងទៀត

​ភ្នំពេញៈ មាន​ករណី​ផ្ទុះអាវុធ​២​គ្រាប់​ នៅ​ក្នុង​វត្ត​ឫ​ស្សី​ស្រស់ ស្ថិត​ក្នុង​សង្កាត់​និរោធ ខណ្ឌ​ច្បារ​អំពៅ កាលពី​វេលា​ម៉ោង​៩៖​២០​នាទី​យប់ ថ្ងៃ​ទី​១២ ខែមីនា ឆ្នាំ២០១៩ បង្ក​ការ​ភ្ញាក់ផ្អើល​ដល់​ព្រះសង្ឃ និងតាជីយាយជី ភិតភ័យ​ញាប់ញ័រទាំងយប់​។ បើ​តាម​ប្រភព​ពី​ព្រះសង្ឃ ​ដែល​គង់នៅ​ក្នុង​ប្ញ​ស្សី​ស្រស់ មាន​សង្ឃ​ដីកាប្រាប់ឲ្យភ្នាក់ងារសារព័ត៌មាន​ខេមប៉ុស្តិ៍​​ ឲ្យ​ដឹង​ថា មុន​ពេល​កើតហេតុ​ ឃើញ​មាន​ម៉ូតូ​៣​គ្រឿង ​មាន​គ្នា​៥​នាក់ ស្លៀកពាក់​ស៊ី​វិល បាន​ជិះ​ចូល​មក​ក្នុង​វត្ត តាមក្លោងទ្វាខាងកើ​ត រួច​ធ្វើ​សកម្មភាព វាយ​ទៅ​លើ​បុរស​​មិន​ស្គាល់​អត្តសញ្ញាណ​ម្នាក់ បណ្តាល​ឲ្យ​បែកក្បាល រួច​ហើយ​មាន​ម្នាក់ ​ក្នុង​ចំណោម​៥​នាក់ បាន​ដក​កាំភ្លើង​បាញ់​ភ្ជុច​ដី​២​គ្រាប់ តែ​ផ្ទុះ​១​គ្រាប់ ចំណែក​១​គ្រាប់​ទៀតធ្លាក់​លើ​ដី​។ ប្រភព​ដដែល​បន្ត​ថា បន្ទាប់​ពី​ធ្វើ​សកម្មភាព​វាយ និង​ផ្ទុះអាវុធ​រួច ក្រុម​ស៊ី​វិល​ទាំង​៥​នាក់​នោះ បាន​នាំ​ខ្លួន​ជនសង្ស័យ​ឡើង​លើ​ម៉ូតូ​ជិះ​ចេញ​ទៅ​បាត់​។ ប៉ុន្តែ​មុន​នឹង​ជិះ​ចេញ​ទៅ ព្រះសង្ឃ​ក្នុង​វត្ត​បាន សួរ​ថា ញោម​យក​ជនសង្ស័យ​ទៅ​ណា រួច​ហើយ​ក្រុម​ខ្មាន់កាំភ្លើង​ បាន​ឆ្លើយ​ថា យក​ទៅ​កាន់​ប៉ុស្តិ៍​និរោធ​។ បើ​តាម​សម្តី​សមត្ថកិច្ច​ប៉ុស្តិ៍​និរោធ​វិញ បាន​ឲ្យ​ដឹង​ថា ពិតជា​មាន​ករណី​ផ្ទុះអាវុធ​ក្នុង​វត្ត​ប្ញ​ស្សី​ស្រស់ ពិតប្រាកដ​មែន តែ​ពេល​សមត្ថកិច្ច​ទៅ​ដល់​កន្លែង​កើតហេតុ គឺ​ឃើញ​តែ​សម្បក​គ្រាប់​១​គ្រាប់ និង​គ្រាប់​មិន​ទាន់​ផ្ទុះ​១​គ្រាប់ ហើយ​ក៏​មិន​បាន​យក​ជន​រង​គ្រោះ​មក​កាន់​ប៉ុស្តិ៍​ដែរ​។ សមត្ថកិច្ច​បាន​ឲ្យ​ដឹង​ទៀត​ថា ចំពោះ​ខ្មាន់កាំភ្លើង​ ដែល​ផ្ទុះអាវុធ និង​បាន​យក​ជន​រង​គ្រោះ​ទៅ​ណា​នោះ សមត្ថកិច្ច​ក៏​មិន​ទាន់​ដឹង​នៅឡើយ​ទេ ហើយ​ក៏​មិនដឹង​ថា សមត្ថកិច្ច​ខាង​ណា​ឲ្យ​ប្រាកដ​ទេ​។ ពាក់ព័ន្ធ​ករណី​ខាងលើ​នេះ​ដែរ មន្ត្រី​សមត្ថកិច្ច​កងរាជអាវុធហត្ថ​ខណ្ឌ​ច្បារ​អំពៅ​ បាន​ឲ្យ​ដឹង​ដែរ​ថា ពេល​កម្លាំង​លោក​ទៅ​ដល់​ក្នុង​វត្តឫ​ស្សី​ស្រស់ គឺ​ឃើញ​តែ​ព្រះសង្ឃ​ប៉ុន្មាន​អង្គ និង​ស្នាម​ផ្ទុះអាវុធ​ប៉ុណ្ណោះ​ នៅ​កន្លែង​កើតហេតុ តែក្រោយមក ក៏ឃើ​ញមានមួកមួយ ប្រលាក់ឈាមថ្មីៗផង​ ទើ​បសមត្ថកិច្ចអាវុធហត្ថខណ្ឌច្បារអំពៅ យកមករក្សាទុក​ រួចធ្វើ​កំណត់ហេតុ ដើ​ម្បីធ្វើ​ការស្រាវជ្រាវបន្ត​ ដោយ​មិនទាន់អាចសន្ឋិដ្ឋានថា ជា​ករណី​អ្វី​នៅឡើយទេ​។ ក្រោយ​កើតហេតុ ព្រះថេរានុថេរៈ​ជាច្រើ​នព្រះអង្គ ​​ដែល​គង់នៅ​ក្នុង​វត្ត​ឫស្សី​ស្រស់ បាន​សម្តែង​ការ​ព្រួយបារម្ភ និង​សំណូមពរ​ដល់​សមត្ថកិច្ចគ្រប់ជាន់ថ្នាក់​ មេត្តា​ជួយ​ស្វែងរក​ខ្មាន់កាំភ្លើង​ ដែល​ផ្ទុះអាវុធ​នៅ​ក្នុង​វត្តទាំងយប់នោះផង​ តើ​ជា​សមត្ថកិច្ច​ខាង​ណា​ឲ្យ​ពិតប្រាកដ ដើម្បី​កុំ​ឲ្យ​បង្ក​ការ​ភ័យ​ខ្លាច​ដល់​សង្គម​៕
Sponsor