កណ្ដាល៖ យុវជនជាសិស្សសាលាម្នាក់ ត្រូវសមត្ថកិច្ចឃាត់ តាមពាក្យបណ្តឹង ពីបទរំលោភសេពសន្ថវៈ ដែលករណីនេះកើតហេតុថ្ងៃ សៅរ៍ ១០កើត ខែផល្គុន ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី៣០ ខែមីនា ឆ្នាំ២០១៩ វេលាម៉ោង១៩ និង៣០នាទី ស្ថិតនៅចំណុចភូមិពោធិ៍លើ ឃុំត្រើយស្លា ស្រុកស្អាង ខេត្កណ្ដាល។
ជនរងគ្រោះឈ្មោះញ ស ហ ភេទស្រី អាយុ១៦ឆ្នាំ ជនជាតិខ្មែរ មានទីលំនៅភូមិពោធិ៍លើ ឃុំត្រើយស្លា ស្រុកស្អាងខេត្តកណ្ដាល មុខរបរលក់ដូរ ។ រីឯជនសង្ស័យឈ្មោះ អៀង ភារិទ្ធ ភេទប្រុស អាយុ១៦ឆ្នាំ ទីលំនៅភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល មុខរបរ: សិស្សសាលា ។
បើតាមសមត្ថកិច្ចបានឲ្យដឹងថានៅវេលាម៉ោង១៩ និង៣០នាទី ថ្ងៃទី៣០ ខែមីនា ឆ្នាំ២០១៩ មានឈ្មោះ ញ ស ហ (ជនរងគ្រោះ)បានទៅបត់ជើងតូច នៅខាងលិចផ្ទះរបស់ខ្លួន ឃ្លាតចម្ងាយប្រហែល២០ ម៉ែត្រ ។ ពេលកំពុងអង្គុយបត់ជើង ស្រាប់តែមានឈ្មោះ អៀង ភារិទ្ធ បានមកចាប់ផ្តួលនាងអោយដេកផ្ងា រួចឈ្មោះអៀង ភារិទ្ធ រំលោភនាង រហូតបានសំរេចបំណងរបស់ខ្លួន ។
បន្ទាប់ពីបានសំរេចបំណងហើយ ស្រាប់តែមានឈ្មោះឃឹម ញ៉ាញ់ (ត្រូវជាឪពុកបង្កើត ឈ្មោះ ញ ស ហ )មកដល់បំភ្លឺដោយភ្លើងពិលទូសព្ឌ័ ភ្លាមនោះឈ្មោះអៀង ភារិទ្ធបានគេចខ្លួនពីកន្លែងកើតហេតុតែម្ដង ពេលជាមួយគ្នានោះឈ្មោះឃឹម ញ៉ាញ់ បានសួរនាំកូនរបស់ខ្លួន ទើបឈ្មោះ ញ ស ហ បញ្ជាក់ប្រាប់ឪពុកថា÷ឈ្មោះអៀង ភារិទ្ធបានចាប់រំលោភសេពសន្ថវះ ខ្លួន។
ក្រោយពេលទទួលបានព័ត៌មានខាងលើកំលាំងសមត្ថកិច្ចប៉ុស្គិ៍ត្រើយស្លា បាននាំឈ្មោះ អៀង ភារិទ្ធ មកប៉ុស្ដិ៍រដ្ឋបាល សាកសួរនឹងបញ្ជូនទៅអធិការដ្ឋាននគរបាល ស្រុកស្អាង។
បច្ចុប្បន្ន ជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាងដើម្បីបន្តអនុវត្តតាមនីតិវីធី។
