Monday, March 4, 2019

នគរបាលខេត្តកំពង់ស្ពឺឆ្មក់បង្ក្រាបទីតាំងសង្វៀនជល់មាន់ម្ចាស់ឈ្មោះ(គឺ) ឃាត់អាគក៩ក្បាល និងអ្នកលេង៦នាក់

កំពង់ស្ពឺៈ អ្នកលេងល្បែងជល់មាន់ចំនួន៦នាក់ អាគក៩ក្បាល ម៉ូតូជាង២០គ្រឿង និងសម្ភាៈជាច្រើន ត្រូវបានដកហូត ខណៈម្ចាស់សង្វៀនដ៏ធំដុះស្លែឈ្មោះ "គឺ" បើកលេងជល់មាន់ផង អាប៉ោងផងនោះ ត្រូវបានលោកឧត្តមសេនីយ៍ទោ សម សាមួន ស្នងការនគរបាលខេត្តបញ្ជាកម្លាំងជំនាញ ចុះបង្ក្រាប ប៉ុន្តែម្ចាស់សង្វៀនហាក់បីដូចជាដឹងខ្លួនមុនរត់បាតជើងសព្រាត កាត់បឹងស្រែត្រពាំង ចោលម៉ូតូម៉ាក PCX មួយគ្រឿង របស់ខ្លួន កាលពីរសៀលថ្ងៃទី២ ខែមីនា ឆ្នាំ២០១៩កន្លងទៅ នៅចំណុចចម្ការដើមកាស្យាមួយកន្លែង ក្នុងភូមិស្នោរទី១ សង្កាត់រកាធំ ក្រុងច្បារមន ខេត្តកំពង់ស្ពឺ។

ការចុះបង្ក្រាបសង្វៀនជល់មាន់ម្ចាស់ឈ្មោះ(គឺ)ខាងលើនេះមានវត្តមានលោកឧត្តមសេនីយ៍ត្រីសោម បូរ៉ា ស្នងការរង និងលោកជា វណ្ណា នាយការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តនិងកម្លាំងជំនាញបង្កប់ម្នាក់(មិនស្គាល់ឈ្មោះ)ព្រមទាំង កម្លាំងនគរបាលខេត្តកំពង់ស្ពឺជាច្រើននាក់ផងដែរ។

លោកសោម បូរ៉ាស្នងការរងនគរបាលខេត្តបាននិយាយថាការចុះបង្ក្រាបទីតាំងសង្វៀនជល់មាន់ដែលគេស្គាល់ម្ចាស់ឈ្មោះ(គឺ) នេះដោយមានការបញ្ជារផ្ទាល់ពីលោកឧត្តមសេនីយ៍ទោសម សាមួន ស្នងការនគរបាលខេត្តកំពង់ស្ពឺនិងមានការអនុញ្ញាតិពីលោកស្រីព្រះរាជអាជ្ញាអមសាលាដំបូងខេត្តកំពង់ស្ពឺផងដែរជាពិសេសចាប់អោយបានម្ចាស់សង្វៀនឈ្មោះ(គឺ)តែម្តងដើម្បីអោយភូមិឃុំ មានសុវត្តិភាពនោះ បង្ក្រាបឲ្យបានដាច់ខាតរាល់ល្បែងស៊ីសងទាំងអស់នៅក្នុងក្រុងច្បារមន ក្នុងខេត្តកំពង់ស្ពឺទាំងមូល។

លោកបន្តថាអ្នកញៀនល្បែងជល់មាន់ទាំង៦នាក់ អាគកចំនួន០៩ក្បាល ងាប់០១ក្បាល សម្បុសក្រហម០៨ក្បាល និងសម្បុរស ០១ក្បាលផងដែរ ក្នុងមាន់គកមួយក្បាៗតម្លៃមិនក្រោម ៣០០ ទៅ៥០០ដុល្លារអាមេរិកនោះឡើយ ជីញ្ជីងថ្លឹងមាន់មួយនិងសម្ភារៈជាច្រើនថែមទៀតផង រួមជាមួយម៉ូតូជាង២០គ្រឿង ក្នុងនោះក៏មានម៉ូតូមួយគ្រឿងរបស់ម្ចាស់សង្វៀនឈ្មោះ(គឺ)ម៉ាកPCXពណ៌កាហ្វេ ពាក់ស្លាកលេខភ្នំពេញ1CE6850ផងដែរ គួរអោយស្តាយដែលម្ចាស់សង្វៀនឈ្មោះ(គឺ)ខាងលើបានរត់គេចខ្លួនបាត់កាត់បឹងស្រែនោះ។តាមសម្តីរបស់កម្លាំងសម្ងាត់អ្នកដឹកនាំនិងរាយការណ៍ជូននគរបាលនោះបាននិយាយថា កន្លងមកឈ្មោះ(គឺ)នេះតែងតែលួចលេងល្បែងបៀរនៅក្នុងផ្ទះរបស់ខ្លួន និងលួចលាក់ណាត់គ្នាជល់មាន់ជារៀងរាល់ថ្ងៃ ជួនកាលលេងអាប៉ោងថែមទៀតផង ហើយមិនតែប៉ុណ្ណោះតែងតែដើរនិយាយប្រាប់គេឯងថា នៅក្នុងខេត្តកំពង់ស្ពឺនេះអ្នកណាមិនស្គាល់(គឺ)នោះទាំងប៉ូលីស ទាំងប៉េអឹម និងសមត្ថកិច្ចព្រមទាំងស្ថាប័ននានានោះ គ្មានអ្នកណាហ៊ានជាមួយ(គឺ)ឡើយ ប៉ុន្តែថ្ងៃស៊យកម្លាំងនគរបាលដែលដឹកនាំបញ្ជារពីលោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺបានបញ្ជារកម្លាំងអោយចុះបង្ក្រាសង្វៀនដែលម្ចាស់ឈ្មោះ(គឺ)ខាងលើនេះយ៉ាងណាត្រូវតែចាប់ម្ចាស់ឈ្មោះ(គឺ)អោយខានតែបាន ប៉ុន្តែមិនដឹងថាយ៉ាងមិចនោះទេទើបឈ្មោះ(គឺ)ម្ចាស់សង្វៀនរត់គេចខ្លួនបាន បន្សល់ទុកម៉ូតូPCXមួយគ្រឿងដែរ។

លោកស្នងការរងនគរបាលបញ្ជាក់ថាការបង្ក្រាបនេះមានជំនាញ​ព្រហ្មទណ្ឌ​កំរិត​ស្រាល​សហការជាមួយ​កំលាំង​អន្ដរាគម​ន៍​ខេត្ត​ បេីកប្រតិបត្ដិការដ៏ក្ដៅគគុក​ បង្រ្កាប​ក្រុម​ញៀន​ល្បែងស៊ីសង​ជល់មាន់​ មួយកន្លែង​ស្ថិតក្នុង​ចំណុ​ច​ដីឡូ​របស់​ឈ្មោះ​ អ៊ួង​ ភុំ​ ភេទប្រុស​ អាយុ​ ៧២​ឆ្នាំ​​ រស់នៅភូមិ​ស្នោរ​ទី១​ សង្កាត់​រការធំ​ ក្រុងច្បារមន​ ។

ក្នុង​កិច្ច​ប្រតិបត្តិការ​ខាងលើ​ តាមការបញ្ជាក់ឲ្យ​ដឹ​ងពីលោកវរសេនីយ៍ឯក​ ជា​ វណ្ណា​ នាយការិយា​ល័យ​ព្រហ្មទណ្ឌ​កំរិត​ស្រាល​ ថាទីតាំងជល់មាន់​នេះគឺគ្មានរោង​ គ្មានសង្វៀននោះទេ​ បច្ចុប្បន្ន​ក្រុ​ម​ញៀន​ល្បែងស៊ីសង​ជល់មាន់​ គេប្រើ វិធីណាត់ផ្គូរផ្គងតាមទូរស័ព្ទ(គីឡូ​មាន់)​និងបានចរចា​តម្លៃ​ ទីកន្លែង​ ពេល​វេលា​ហើយដឹកមាន់មកជល់តែ​ម្ដង​ ជារបៀបថ្មីបែបផែនថ្មីដែលមិនធ្វើអោយសមត្ថកិ​ច្ចងាយបង្រ្កាបបាននោះទេ​។ ជាការបន្ថែមផងដែរ​និងជាការប្ដេជ្ញាចិត្ដជំនាញព្រហ្មទណ្ឌខេត្ដ​ក្រោម​ការ​ដឹក​នាំ​ចង្អុល​ការ​ពីឧត្ដមសេនីយ៍ទោ​ សម​ សា​មួន​ ស្នងការ​នគរបាល​ខេត្ត​ បានបញ្ជាយ៉ាងដាច់​ណាត់​ថាមិនអនុញ្ញាតិអោយក្រុមណាមួយអាចធ្វើសកម្មភាពបើកទីតាំងសង្វៀនប្រជល់មាន់នៅ​លើទឹកដីខេត្ដកំពង់ស្ពឺបានដាច់ខាត​ មាននៅកន្លែ​ង​ ណា​ អធិការ​ក្រុង​ ស្រុក​ ទទួល​ខុសត្រូវ​ចំពោះ​មុ​ខគណៈ​ ស្នងការនិងគណៈបញ្ជាការឯកភាពខេត្ដ​ ពិសេសវិធានការត្រូវអនុវត្ដតាមប្រសាសន៍ថ្នាក់​ដឹកនាំ​ធ្វើ​ដូចភ្លៀងរលឹម​មិនទុកអោយក្រុមឱកាស​និយម​ឆ្លៀត​ប្រព្រឹត្ត​បង្កើត​បទល្មើស​លេីទឹកដីភូមិ​សាស្ត្រ​ខេត្ត​កំពង់​ស្ពឺ​បានឡើយ។

ជាក់ស្ដែង​ប្រតិបត្តិការ​ខាងលើ​សមត្ថកិច្ច​នគរបា​ល​ធ្វើ​ការ​ដកហូតនិងឃាត់មុខសញ្ញា​០៦នាក់ប្រុ​សសុទ្ធ​តែ​ជាអ្នក​ លេងទាំងអស់​ រួមជាមួយ​និងស​ត្វ​មាន់រស់ប្រាំបួនក្បាល​(ជាមាន់ពូជជល់ខ្លាំង)និងម៉ូតូ​ ២២​គ្រឿង​ ម៉ាកចំរុះ​ សម្ភារៈ​ផ្សេងៗ​ទៀត​។បច្ចុប្បន្ន​កំលាំងនគរបាល​បានកំពុងដឹកជញ្ជូននូវសម្ភារៈវត្ថុ​តាងបញ្ជូនមកស្នងការដ្ឋាននគបាលខេត្ដកំពង់ស្ពឺ​ កសាងសំណុំ​រឿង​ចាត់ការតាមផ្លូវច្បាប់​៕

Feature Ads