កណ្ដាលៈ សូមកោតសរសើរណាស់ ចំពោះសមត្ថកិច្ចល្បាតគោលដៅ២៤ម៉ោង ឃុំដំណាក់អំពិល (ផ្សារថ្នល់ទទឹង ) ស្រុកអង្គស្នួល ខេត្តកណ្ដាល ខណៈកំពុងចេញល្បាត ការពារសុវត្ថិភាពជូនប្រជាពលរដ្ឋក្នុងមូលដ្ឋាន រហូតម៉ោងជិត១១យប់ថ្ងៃទី២០ ខែមីនា ឆ្នាំ២០១៩ ស្រាប់តែបានប្រទះឃើញបងប្រុសម្នាក់ ហេតុតែទឹកចិត្តឪពុក គាត់បានបីកូននៅដៃ១ និងជិះកគាត់១ ធ្វើដំណើរថ្មើជើងនៅតាមផ្លូវជាតិលេខ៤ ហើយគាត់ដើរតាំងពីថ្នល់ទទឹង បំណងទៅអង្គស្នួល តែដោយការអាណិតសមត្ថកិច្ច ដែលល្បាតសួរនាំ ហើយយករថយន្តស៊ឺរ៉ែននោះ ជូនទៅដល់ផ្ទះ។
នេះបើតាមហ្វេសប៊ុករបស់បងប៉ូលិសប៉ុស្តិ៍គោលដៅ២៤ម៉ោង ឃុំដំណាក់អំពិល ផ្សារថ្នល់ទទឹង ឈ្មោះ Heng Vechea បានរៀបរាប់ប្រាប់ថា "ម៉ោងជិត១១ហើយ បងអើយបង ហេតុតែស្រលាញ់កូន បី១ ជិះក១ ដើរតាំងពីថ្នល់ទទឹងទៅអង្គស្នួល ឃើញអាណិតយករថយន្តស៊ីរ៉ែនជូនទៅដល់ផ្ទះ។ នឹកកាលខ្ញុំនៅតូច មិនមានម៉ូតូឡានដូចឥឡូវទេ ខ្ញុំតែងតែជិះកពូដើរតាំងពីស្វាយឧត្តម ដល់អង្គស្នួល"៕
