លោក អេឡិច ហ្គន់សាឡេស ដាវិតសុន សហស្ថាបនិកអង្គការមាតាធម្មជាតិ (Mother Nature Cambodia) បានប្រាប់ថា៖ បន្ទាប់ពីបានជួបនិងសួសុខទុក្ខភរិយា និងកូនជាទីស្រលាញ់របស់វីរបុរសខ្មែរ គឺលោកបណ្ឌិតកែមឡី នៅអូស្ត្រាលីមក ខ្ញុំសូមសន្យាថានឹងធ្វើរឿងពីរឱ្យខាងតែបាន។ នេះបើយោងតាមហ្វេសប៊ុករបស់លោកអេឡិច។ រឿងទាំងពីរនោះគឺ៖
១-នឹងបន្តបេសកកម្មរបស់លោកបណ្ឌឹតក្នុងការនិយាយការពិត បើទោះបីប្រឈមនឹងសង្គមមួយដែលពោពេញដោយសត្វសាហាវក៏ដោយ។
២-តស៊ូទាមទារកយុត្តិធម៌ជូនពួកគាត់ទាក់ទងនឹងឃាតកម្មលោកបណ្ឌឹត បើទោះបីជាត្រូវរងចាំរហូតដល់របបបែបជើងកាងរបស់លោក ហ៊ុនសែន ដួលរលំដោយសន្តិវិធីក៏ដោយ។
កាលពីថ្ងៃអាទិត្យ ទី២៤ ខែកុម្ភៈ ឆ្នាំ២០១៩ វេលាម៉ោង ២រសៀល នៅវត្ត Bonnyrigg ទីក្រុងស៊ីតនី លោក អេឡិច ហ្គន់សាឡេស ដាវិតសុន បានចែករំលែកព័ត៌មានអំពីបញ្ហាបរិស្ថាន និងស្ថានការណ៍នយោបាយផ្សេងៗដែលបានកំពុងកើតឡើងនៅក្នុងប្រទេសកម្ពុជា ជូនដល់ពលរដ្ឋខ្មែរដែលរស់នៅប្រទេសអូស្រ្តាលី។
សូមបញ្ជាក់ថា ប្រធានអង្គការមាតាធម្មជាតិ ដែលស្រលាញ់និងបានចូលរួមចំណែកការពារនឹងថែរក្សាធន់ធាន ធម្មជាតិខ្មែរ មានដើមកំណើតជាជនជាតិ អេស្បាញ់ បានទៅដល់ប្រទេស អូស្រា្តលី កាលពីថ្ងៃទី១៦ ខែកុម្ភៈ ឆ្នាំ២០១៩ ដើម្បីជួបប្រជុំវេទិការសាធារណៈជាមួយសហគមន៍ខ្មែរនៅ ប្រទេសអូស្រា្តលី ។